又一年啦，又係時候回顧一下啦
2010年係一個特別既一年
係第一年真真正正工作，亦都係真真正正咁樣成為一位老師啦
同時亦都感受到真正既忙碌啦
雖然係忙碌，但係我都係好樂意接受挑戰既
係上一個學年既下半個學期，個情況都已經開始好轉啦，工作越來越多
俾我搵到一份高薪既教班，真係好高薪
復活節之後就搵到份代課，搞到自己分身都唔掂
係同一時間裏面打四份工，係四個唔同地方出糧
分別就係：星期一至五既代課啦、星期二放學既教班、星期六早上既高薪教班、同埋星期六下午既補習社啦
所以係整個五月就搵咗好多錢啦
到咗六月就到考試月啦，可以輕鬆番D啦
不過連NBA既總決賽第七場既生死戰都要番工，真係有D唔願架
不過如果唔番既話，損失既錢足夠令我去現場睇囉，都係番啦
之後就開始煩啦，因為又要搵學校啦
不過都好好彩，俾我搵到間
之後就開始新既一個學期啦
新學期都番咗一個學期啦，俾我既感覺真係好唔同
有好多制度既分別，好多問題一個人係解決唔到既
唯有做好自己本份，教好自己果班啦
今年更加俾我感受到一樣野
就係任何野，任何一件事，都會有上天既安排架
所以如果遇到有咩唔順利既事都唔好埋怨啦
同埋有好多時刻意安排都係冇用架，有D野要發生既時候點阻住都係會發生架
因為個天安排好一切架啦，只好順應天命啦
黎緊依一年都係希望所有既同學學業成績有進步，個個生活得開開心心啦
| 
