以下，是其中一些爛gag，包含粗口、太爛的已被刪走。

1. 巴斯光年殺左條龍之後變左咩？撒隆（殺龍）巴斯
2. 當你看完A 片後要作什麼？B 片（VCD 分A、B 碟）
3. 咩植物識溜冰？花，花式（識）溜冰
4. 皇后似咩？似廣場，皇后「像」廣場
5. 咩玩具唔可以係船玩？爆旋（船）陀螺
6. 有乜野慘過食屎？食兩舊屎
7. 讀完中五讀乜？下午
8. 食乜野昆蟲會瘦？蟻，食「蟻」瘦
9. 用身體上邊樣野可以修飾雙手？毛髮，無法可修飾的一對手
10. 1+1 幾時會=3？錯果陣
11. 樹邊部份最得閒？葉，葉德嫻（得閒）
12. 達文西密碼上面是什麼？達文西帳號
13. 豬肉榮賣豬肉，菠菜蓮賣菠菜；咁衛蘭賣咩？My（賣）love my fate
14. 鯊魚食左紅豆會變咩？紅豆沙
15. 檸檬最怕咩生果呢？柑，柑橘檸檬
16. 窩打老道的老豆叫咩名？窩打老豆
17. 小明點解會跳得高過飛鵝山？因為飛鵝山唔識跳
18. 估一句英文：「ABABBBAAAAAABBBABAAAABBBBAABBBAAAAA」？Long time no C（see）

答案嘛…

其實，如果有同事、朋友、親人熱心地問你以上的爛gag，而剛巧又在電腦旁邊的話，建議你可以在Google 輸入問題，保證你能夠在首三個結果中找到答案。亦保證你能換來一句：「嘩，你好勁啊，點解你會知啊？」（這是女說的）或「超，都唔好玩！」（這是男說的）

保證興致立即全失。

當然我不會要你去Google 找的， 睇下就知啦~。

個人最喜歡「達文西密碼上面是什麼？」這條，做我們這一行，無可能不知道的。就係達文西脹號啦!!!係咪好爛呢?

係既就cm啦~【8】