成個假期我基本上都係係鄉下過。。。
依家就等我黎回顧下我呢個新年假期啦^^
假期第一日：（年廿六）
我一早就起身去坐車番鄉下，，
家姐同我9點半就到咗羅湖車站，，
不過要買11點9既加班車，，
真係超o嘴呀。。。
番到鄉下舊屋，，基本上無變，，
只不過係封咗成吋塵姐，，唔算嚴重，，
最大件事就係-------
我家姐一番到屋企10分鐘都唔夠就已經同D同學出去西南行街。。。
得番我一個汁屋>.<
不過我第一日都無汁到屋，，
因為實在太夜啦，，所以我食完飯之後就上咗一晚通宵網*——*
假期第二日：（年廿七）
由於上通宵網實在太爽啦 雖然話就係通宵，，不過其實7點幾就訓咗lu....
所以我果日11點幾準時起身食飯，，
食完飯就出白泥搵我既舊鄰居兼老友傾計。。。
跟住5點幾就番屋企“大掃除”
我淨係負責將所有既鐵門、木門全部重新上油漆，，
雖然睇落簡單，，但係就足足用咗我兩日時間。。。
假期第三日：（年廿八）
都仲係大掃除，，
不過就去咗表哥屋企住。。。
之後既日子都係係距屋企住。。。
假期第四日：（年廿九）
呢日成日都幫表哥汁屋，，
距新屋又要洗、又要抹，，足足搞咗一個朝早。。。
跟住下午又要番距舊屋汁野，，
汁完之後就去咗我屋企貼揮春。。。
假期第五日：（年三十）
我屋企貼完揮春就要幫表哥貼，，
不過係貼揮春之前要去花市買年花、年吉。。。
雖然係年三十，，不過價錢都仲係咁貴==
好彩我屋企唔使買姐。。。
下午就貼哂表哥新舊屋既揮春，，
夜晚就同表哥一家人食團年飯。。。
幾豐富，氣氛唔錯架，個個都食得好開心^.^
11點左右就番我屋企準備係12點燒爆仗。。。
假期第六日：（年初一）
雖然未到12點，，
不過我已經燒咗爆仗lu。。。
有D可惜既就係唔可以親自錄低自己屋企燒爆仗既情況
因為燒爆仗既人正是小弟我。。。
咁就唯有過去隔離以前既小學同學屋企錄低距地燒既情況啦，，
同距傾咗陣計之後就番咗屋企訓教lu。。。
朝早就去咗我三姨屋企拜年食飯，，
食完飯之後就係每年既高潮------“開賭”
由食完lunch開始到dinner呢段時間，，
我淨係打麻雀都贏咗30蚊。。。
食完dinner之後就出白泥睇煙花，，
雖然唔係好睇，，不過打發時間都唔錯既。。。
沖完涼就同表哥睇電影睇到2點先訓。。。
假期第七日：（年初二）
今日應該係去我屋企拜年既，，
不過屋企實在無煮食工具，，
so就出左去食飯。。。
呢餐飯就貴¥¥¥¥¥咯，，
淨係食咗幾條”側“魚&生魚就已經要人民幣¥1580啦。。。
加上我個人就唔係好like食魚，，所以呢餐無咩落肚。。。
一個字形容：“慘”
lunch完咗就去咗探表哥個婆婆。。。
婆婆距身體真係差咗好多呀，，
我上年去同距拜年，，距都可以自己行，，
講野有中氣，，塊面都血色。。。
但係我今年見到距坐輪椅，，面青口唇白，，
連講野都沉咗好多呀。。。
希望距可以健康長壽D啦。。。
夜晚餐dinner就食羊，，
我居然瘋狂地食咗4碗飯。。。
夜晚呢餐就抵食啦，，食咗勁多都係¥800有找。。。
夜晚又同表哥一齊睇電影睇到成2點訓。。。
假期第八日：（年初三）
今日去我二姨屋企拜年食飯，，
食完飯都仲係打麻雀。。。
不過今日就輸咗幾十蚊。。。
今日好早就食dinner啦，，
以為我呀媽要番HK呀。。。
8點鐘，我地成班表兄弟一齊去咗唱K
我一落場就同人地玩大話骰，，
比人隊咗半打啤酒。。。
我投降之後大半個鐘就已經 x2
辛苦到我死呀
番到表哥屋企12點幾，，
沖完涼之後就食咗個面。。。
跟住就一直都辛苦到訓唔到，，
直到天亮既8點先訓得著。。。
訓咗3個鐘唔夠，，又要起身。。
假期第九日：（年初四）
呢日唔使周圍去，，
因為呢日係我大舅父屋企(即係我表哥屋企)食飯拜年。。
我一起身就見到成個客廳都係人，，
果D全部都係我表哥D高中、大學同學。。。
不過全部都係single，，無利是-_-
距地好快就散咗啦，，我地就一邊睇電影一邊食飯。。。
食完都仲係打麻雀，，今次又輸咗幾十蚊。。。
呢兩日認真黑仔
dinner完咗之後，，班大人就係度傾計。。。
我地表兄弟就“討論”下年紀最大既表哥幾時派利是，，
仲有拍緊拖果D幾時拉埋天窗。。。
傾到11點幾先散場。。。
跟住夜場就唔係睇電影，，
而係睇英超：車路士 vs 利物浦
利物浦1比0贏車仔完場，，訓教zzZZ
假期第十日：（年初五）
今日係我咁多日以黎第一次早起身出去飲茶。。。
飲完茶就番表哥屋企睇電影，，
不過套電影真係好好好好好好好好好悶呀
跟住無聊就係度斗地主，，直到夠鐘出去食飯。。。
食完飯又再玩多陣，，
2點4就出門口去搭車過西南車站，，跟住就番黎HK。。。
超唔捨得呀
夜晚8點鐘番到小西灣食飯。。。
食完飯，，番到屋企沖完涼，，
就玩電腦玩到依家第二朝早既8點05分
我既回鄉過年之旅就此結束
|
