今日約左林老師(小學的)食飯...

一起身冇食任何野...

到左太興...都唔洗等好耐位就有啦...

+埋我有4個學生...碟碟野都咁貴~

所以我地兩個兩個咁share....

我明明叫羅宋湯...個waiter話我叫老火湯囉...

勁唔鋸~-3-'''

不過之後佢都有換番...

食完之後傾左陣計...同miss lam一齊去一田買佢bb d野...

佢個女真係好得意..眼大大..頭髮好長~-v-

跟住冇幾耐就走lu~...

跟住去左敏嘉屋企跳舞...跳到周身大汗...

好熱...之後敏嘉要學琴..所以散ben lu~!

 今日係我既生日...總覺得好開心~!

過埋今日就係14歲...唉~老了~xd!!!

中午食左野..見冇咩做..就打下機...做下暑期作業..

成個下午流流長...都留係屋企..

人地生日就出街玩...我...- -''做暑期作業.....

呀媽放工...呀爸放工..訓覺...

佢地訓完之後..出新城市...

去左上次買跳舞褲果間野換褲...

條褲根本就唔係我整到爆呔...係本身爛嫁!!!

順便買埋腰帶同衫...呀妹買左條褲同褲錬(型爆~!)

跟住去買生日蛋糕...士多啤梨既(@v@!!!)

之後去果間食上海野既餐廳...

叫佢地幫手切蛋糕果d鎖碎野...要50蚊喎@@!!!

我買個蛋糕都係70蚊ja.....吹漲~!

最後就等食埋野先拎番屋企食....

叫左好多野食...有三樣野都係叫打孖上..個waiter-0-'哂咀..哈~笑死我~

最唔少得既當然係酸辣麵同小籠包..

超好味呀!^^食到呢d咁好味既野..真係好幸福呀~!

食完就番屋企食蛋糕啦...至於許左咩願........這是不能說的秘密~!呵~!

食完哂野...睇Titanic(流眼淚 T^T) 睇到好夜先訓...

 今日訓到十點幾就醒左啦....被阿爸叫醒- -'

佢拎左野上黎比我地食...食到好飽~

到十二點我係大圍火車站等shelby..我地今日第一堂學跳舞..

好興奮>.<!

等齊哂人..就出發啦..

佢果兩個fd都大過我地...16,17到...

有一個係學過既...

到左之後我地等果個未見過既miss...

佢到左果陣..個樣呆呆地..以為入錯室..

果個miss原來係個令女黎嫁..呵~

佢仲要得16歲...不過跳舞好叻..好pro..

第一堂佢就教舞啦..佢話可能會預我地會比賽or表演..

又話我地d筋好硬...

佢問我地幾多歲...我話我13..佢話唔似- -''

係咁拉筋..拉到隻腳痺哂..

雖然係辛苦d..不過都幾好玩既..

完左之後就返屋企..做暑期作業..

到左夜晚就出去禾葷大掛檔食野...

又係飽死~- -'

 今朝返學又係做工作人員...

帶埋呀妹去學校考入學試....

返到去又係d學生係到表演...我地仲有得霸頭位..呵~

原來坐前睇真係好精彩...d姐姐都跳得好好...

完左之後..我地又係返art room幫手...

又係好悶~所以帶左書去睇...

今日學校仲有免費乳酪提供..有票就可以拎..

我食左兩杯...好飽~!

之後同ivy食M記...隔黎果兩個哥哥姐姐..

姐姐幫哥哥補普通話...哥哥d普通話拼音嚇死人- -'''

我地之後去starbuck做暑期作業同睇書...

ivy買野果陣..見到miss pokfric-0-'(學校既外籍老師..果名唔識串..是但拼的~)

ivy好驚~同佢講我地係到做暑期功課....哈~

到六點幾我地就各自返屋企lu~

 今日學校有個活動叫做'迷你奧運迎光中'

又係呀妹升中放榜既日子...緊張..

一開始有一連串既表演睇...

都幾精彩...

最後有個大合唱...'we are ready'- -''

有少部份人好熱情..大部份只係拍手同唱歌算...

完左..我地果team去art room到做helper

好悶~..去到好少野做..跟住我媽打黎話呀妹派到黃鳳亭...

所以黎我地學校拎報名表先..

又走上走落...累死~- -'

我地完全唔知我地班有人join左art既比賽...

到完左果陣..有人同我地講點解冇叫佢地...

不過唔緊要..我地1A都拎左三個比賽既冠軍..^^

希望呀妹聽日個入學試考得好啦...入到我果間~!