30-05*

還有1個月,就17歲生日了!
沒有什麼大的感覺;
以前的我往往很期待那1天!
記得上年生日前夕;
係Mr Singh返澳門的日子;
那天大家聚在1起玩了1個晚上,很開心呢!
臨離開前,大家唱的生日歌;
真係令我很難忘!
上年的生日,你黃金海岸渡過;
每1個鏡頭到現在都很深刻!

*920*


謝謝4B班的同學;
   
 謝謝P!G,Frankie,Ling Chan!



今天,發生左1件事;
 令我好唔開心,努力去彌補!
希望能康復!

29-05*

今日,訓到9點幾起左身;
食左早餐之後就開始整野啦!
今日家姐放假返黎,呵呵呵~
下廚整午飯俾佢同阿ma食;
今日既新菜式!
{翠玉瓜炒午餐肉+節瓜煲瘦肉}
  
之後佔據左家姐部PSP!
玩左好耐,人都顛~

之後搵左以前既相出黎睇..
好好笑!

算唔算係{女大18變}呢?
夜晚,過左元朗行街,之後去左食壽司;
首先我地去左{龍島},
之後因為佢個廻轉壽司壞左;
所以3個人食左4碟野就走左!岩岩好40元~
走左之後,3個白痴係咪大笑;
去左新明皇食,哈哈哈~
食到9點半,去左遊車河;
俾風吹既感覺真係好舒服;被朱仔影響了!
之後就回家了!

期待星期六,6月2日!
期待我們的大澳之旅!
期待7月1日!
期待與你的約會~

28-05*

今日好早已經起左身,之後就落街買野!
返到屋企抖左陣,坐係度呆左好耐好耐;

前排買既白色金魚,買左返屋企發現佢無左隻眼!

今日係屋企出現既彩虹!
呆左幾個鍾,開始執屋;
掉左好多野,好多回憶湧現出黎!

{超級無敵扇貝兩味},突然之間記得返我地1齊煮野食既經過;
可惜..已經無呢個機會1班人再擠係1個熱騰騰的廚房了!
好掛住係馬登返學既日子,好掛住我d朋友!
雖然大家1齊相處既日子好短暫;不過已經建立左深厚既友情~
特別係朱仔,無論返學既日子或放假既日子;
你都陪伴我渡過,真係好開心好舒服呢!
琴晚,諗返幾年前既我地!
當時既我地真係好簡單,好天真;
相處得好融洽,出街既時候大顛大肺;
當時既回憶只屬於我地7個;只有我地先明白當中我快樂!
{麗華,梓盈,文英,菠蘿釘,菜菜,朱仔}
係馬登呢5年裡面,最開心就係識到你地6個;
依家畢業了,我地相處都相處左1段日子!
我真係好希望好希望,將來既我地仲會有聯絡~
我愛你們!

好耐無真真正正同你談心了,
其實你都知我唔少野!
沒見面,沒聊天,沒有任何方法去知道對方的近況,
你有否想起我?
希望大家的關係沒有疏淡!
還記得我們以前1起的日子嗎?
從前開心不開心都有你陪伴著,真好!
但..為何..現在生疏了?
仿彿有點隔膜!
突如其來的轉變,真令我心寒!
說真的..我真的很依賴你;
說真的..我真的很需要你;
你知道我在對你說嗎?

岩岩睇完唐家,睇到我喊!
令我諗返起好多好多回憶;
入到房,當我關燈時;
發覺玻璃窗外的夜景是多麼漂亮;
以前,我唔明白點解你咁鍾意坐係窗邊睇夜景,
到左今晚,我終於明白啦!
當我好似你咁,坐係窗邊睇既時候;
眼淚好自然咁湧左出黎,
唔知點解今晚特別心灰!
睇睇下,電話突然響起;
原來係{朱仔}..
係呢1刻有朋友搵我,真係特別開心,特別心暖!
換左衫落街搵佢!