係時候講下呢幾日發生咗咩事..

庄庄喊..好可憐

唔見咗本ERS..好似話要50蚊..揾人借住先..然後逐日五蚊咁還俾佢..

一係就唔飲可樂十日(呢個損失大D喎)..但就可以自已嚟..唔洗同人計利息

其實我係咪諗得太長遠..真係揾唔番先算啦

上ART..今日又想打字喇..係時候鬧下佢..

有無搞錯呀..上次歐陽佩麗明明問咗佢幾次有無功課..佢\話無..

仲話淨係要present..我聽得好清楚架..但琴日上堂,,佢一入到art room就話"open your homework"

成班人呆咗..跟住咪話無homework囉..佢就話"你吔每個星期都應該要畫d野ga.."跟住仲話"你吔上次做咩唔問我有咩功課..下次要做double架喎" 

佢有冇離譜d呀..自己無記性就寫低你講過ge野啦..要求又高喎..咁我吔無學過畫畫..畫極都係咁架啦..

你咁叻..又唔見你畫過喎..當初係你話個題目係自由..我吔畫咩都得架..

到頭嚟又話我吔揾d質素唔好ge嚟畫..你估咁易揾牙..揾哂成個圖書館都係得嗰兩本..

咁勁你揾俾我睇吖..要求多多咁..又話我吔無用到木顏色ge技巧..淨係喺度填色..

我肯畫你都偷笑啦..填色!??咩叫素描技巧呀,,你有教過我吔咩..淨係識叫我吔抄抄抄

又話要present,,到頭嚟成堂都只係討論..

如果你無諗過要我吔出嚟講的話..就唔好話要present啦..

人吔bobo姐俾咁多心機落去..你提都無提過..

咪教書啦..番屋企做你既校長太啦

呢個月一開始..就無好野發生過..

好鍾意k2嗰句"番學等放學,放學飲可樂"

如果番學真係咁簡單就正囉..

今日又派咗本道教ge野..第一次覺得..原來一年可以過得好快

湘..唔好咁啦..

前日同bobo姐又差d為呢件事而吵大穫..

好想揾番日放學好似之前咁..圍埋一齊玩..

2b好似就快開p..唔好話我吔班會唔做野..

今日放學..突然想努力地温下書..

但我相信..只要開咗部腦3分鐘..我就會即刻打消呢個念頭..

又有人喊..

好鍾意幫人拭淚..好似電視咁..

死喇,,唔好似變到低b婆咁..咁白痴架..

好似好耐都無同k2一齊揾過低b婆傾..日日放學都唔見佢..

放學本來去cheering team架..

不過都係無去到..又無湘,無k2,無咁多人..都唔知去嚟做咩

勁可惜囉..本來見到小源真人架..但自己又唔想走..

係咁多..