經過兩日黎不休止咁對住部電腦，我一共用左起碼1200分鐘﹝即係大約一日﹞睇晒魔法少女奈葉既兩輯啦！第一輯叫魔法少女奈葉，第二輯叫魔法少女奈葉A'S！
魔法少女奈葉有幾好睇？不如睇下我既評價啦！
我睇晒之後呢，我覺得e套卡通以100分為滿都值85分，點解？
等我解釋下啦，首先e套野兩輯一共都係得26集，但佢個內容竟然可以係短短26集中十分明確咁講出，唔會令人有不解既地方！內容方面我會比佢30分；其次係佢既畫功，經我用左大約2-3小時去查調查，發現魔法少女奈葉第一輯其實係在2004年11月播出，而佢最靚既地方竟然係d畫面效果十分細緻，連主角在筆記本上寫既字都好清楚咁寫出，e個都係我第一次見到既，主角攻擊敵人方面既畫面也非常之靚，簡單同而家既動畫有得揮，係畫面方面我睇得出係花左好多心思，所以我係比佢有40分；最後係音響啦，雖然佢都唔係好多插曲，不過佢就係運用方面都好出色，所以我比佢15分！
呀，終於打完一篇大論啦，以上既分數一共係85分，希望有時間你都下載黎睇下啦！
如果唔知係邊度下載，你可以上網打foxy，e個程式係以共享既形式下載，所以冇咁易比人捉！講番下載，你dl完個foxy之後安裝，裝完就開個程式，然後你係左邊會見到一個叫搜索既圖，禁一下，之後會係右面個大格既上面有一個叫你打搵d咩既野，然後你就打「魔法少女奈葉」，然後係下面會見到有好多野，最後你只要係d字度選番d集數，之後連按兩下就得！有一樣野你要小心既，就係佢有分魔法少女奈葉同魔法少女奈葉A's， A's係第二輯，千其唔好dl錯呀，要dl左第一輯先好dl第二輯！
最後送你一句：Standby ready 最後大結局既說話，明年會出第三輯，記得睇啦！
|
