今日我既心情好左好多..個心都冇咁唔舒服..
但係身體就差左d..我今日唔係幾舒服..成日都係到訓咁濟..
我訓到成11點幾先起身..差唔多訓左13個鐘..起身既時候好凍..真係好凍..
摸摸下個頭..噴噴下d氣先知自己發燒..再探下熱..原來先燒得個37.6度..
但係我已經好辛苦..都唔知個探熱針係咪路既..次次發燒都探唔到我燒既!!
到左12點幾..我已經冇力去落街食飯..唯有等媽咪番黎買野俾我食..
到左3點幾..呀媽番到黎叫醒我..佢仲未知我病左..所以語氣好差..
但係我同左佢講唔舒服之後就180度轉變..不過我訓醒既時候已經好番好多啦!!
食完幸福傷風素之後就玩電腦..玩呀玩呀玩呀玩..玩玩下就做英文份野..
我地做elizabeth I..我都睇唔明個D咁既野Up乜..成大篇野我都唔明解既..
又唔係中英對照wo..攪到我冇心機睇..最後我都係亂咁寫d野上去算啦..
冇啦啦呀媽同我講:係屋企個時就唔好開電話啦..
我行埋去個陣見到佢睇緊我d message..我個陣好唔開心..點解呀媽佢唔信我..
要睇我d野..可能佢係關心我..想知我識咩朋友..但係都唔好睇呀..問過我先呀ma..
好採佢睇個d係 siu man個d message咋..話咩佢生日個d..
但係我唔知佢有冇delete左我岩岩收個d咋!!算啦..都唔係第一次..豪俾佢..
跟住媽咪煮飯..煮煮下飯先話冇鹽..攪到我急急腳咁去買鹽..
我買鹽其間撞到個細佬..佢好可愛嫁..
佢拖住佢媽媽講: 我真係唔知點樣先可以停風..d風就黎吹趺我啦..哼..
佢真係好可愛嫁..佢高到我"室頭哥"到啦..我都見唔到佢..差d撞到落佢到..
佢把聲又高wo..冇錯..個陣d風的確大左d..我行路都好辛苦..但係個細佬個d野得意呀ma..
同埋[[停風]]我都係第一次聽咋..哈..番到屋企就等開飯..等緊開飯個時我係到做science work book..
我好乖呀..不過全部都唔識..都冇聽到書..攪到我係咁係到搵書..搵左我好耐..有d係本書到都搵唔到既..
有d名詞我聽都冇聽過..叫我點做呀?!好心miss yu就得閑唔耐叫下我個名..等我唔好成日掛住玩先得嫁
食完飯我冇野做..仲有呀..我好失敗呀..岩岩我落左街買左20蚊零食..宜家食哂lu..
我本來買黎聽日同後日食嫁..黑人憎..咁就冇左20蚊啦..點算呀..今個禮拜我邊有錢駛呀..
唔怕..我都就黎出糧囉..聽日我咪有錢囉..哈
| 
