夜晚上上下網既時候突然睇到一段片

有三個小朋友因為患左癌病好快就要離開呢個世界既片

佢地係入面都話自己唔想咁快離開  

因為佢地好熱愛自己既生命

雖然佢地冇講D咩好長篇大論既野

但係佢地話到比我聽人係應該要識點去熱愛自己既生命

其實係過去7個月入面我都因為學業搞到自己好大壓力

成日都諗好多野

成日都係到怨自己呢樣又做得唔好  個樣又做得唔好

其實咁樣既自己根本就唔係愛緊自己愛緊生命

睇完段片之後我覺得自己到而家為止

其實都未真係好享受自己擁有既野

我都未試過真係去感受咩叫珍惜生命

到而家我知道到自己要開始去珍惜身邊既野

愛惜自己既生命

我既生命唔只係得讀書

我仲有屋企人仲有朋友

仲有好多野要去試要去做

要好積極咁面對自己既人生

當然唔係話生命唔係得讀書就唔努力去讀

書仍然要努力去讀

但係推動自己既將會係動力而唔係壓力

大家都不妨睇下呢段片

如果大家而家都正因為自己既事而好困惑

成日都充斥住負能量

我相信佢會比到一個好正面既訊息你之餘

仲可以令你突然諗通好多野

我睇完之後真係有好多反思

我係到諗

點解人地去到生命就黎去到盡頭既時候都可以咁積極面對

但係我就因為人生既少少挫折就搞到自己咁低落

甚至真係有少少抑鬱既徵狀出現

雖然呢啲真係平時隨口都講得出既道理

但到真係明白到個一刻先知道

原來呢啲道理係咁既意思

所以我覺得呢段片真係好值得大家用20分鐘一路睇一路諗!