其實都想打呢篇野好耐

只係一直都未有充裕既時間比我打哂成篇

唔知係咪人愈大感受就愈深

個日知道日本發生左d咁既事心入面真係幾up下

之後既幾日都會突然間諗

如果日本冇發生d咁既事

而家既人會係到做緊d咩

其實都真係幾突然

朝早仲笑住同自己屋企人講byebye

跟住又同朋友同事同學傾下計

上下堂番下工

根本都冇人會諗過幾個鐘之後

日本既其實部份地方係會全部被破壞哂

突然之間屋企人唔係到

朋友又唔係到

自己屋企冇左

屋企面既寵物又走左

得番自己一個

第一次聽到日本地震

然後第一次睇到d海水湧上岸既片

再第一次知道d核能原來可以咁大件事

就開始係到諗

日本人咁辛苦建立到自己一個家園

係一個星期之內可以變到咁危險

睇報紙見到d反應堆係咁開始變得好危險

個心都酸左酸

其實我真係唔想日本搞成咁

希望你地可以快d冇事

人其實真係好細小既生物

就算有幾聰明幾叻

一個浪已經可以拎走哂你既一切

一d好珍貴既野突然冇左

其實係好易發生

我好驚有一日見唔番屋企人

好驚某一日出街

講完byebye之後

就永遠都見唔番佢地

見唔番朋友

可能到時又會發現

原來嘈交最尾講既個句野

已經係你同佢既最後一句說話

見住個個嬲爆爆既樣

原來係最後一面

而你地之間最後既互動

就係呯埋道門既個下

所以珍惜眼前人其實唔係係作文到講下就算

亦都唔係明白左就算

而係要確確實實將你既行動表達出黎

如果唔係真係會錯失好多時間好多好寶貴既野

到時後悔都冇用

而留守係福島既50個人

你地真係好偉大

記住要平安無事咁番到屋企人身邊

同大自然比

人類係幾咁渺小

睇完呢張圖之後   真係覺得我地乜都做唔到