MATHS 永別啦！

我終於終於都可以同佢講再見

我...我....太感動啦！

考完maths個刻... 我心裡唱著：榮耀之釋放！奇妙之釋放！

一切眼淚盡皆過去:) 過去啦！真系過去啦！

我系唔系發緊夢？

考完maths後..我知道我以後都不用再自卑！

無野再可以令我感到自卑！

百感交集......

我被maths折磨左幾多年？

以後都唔洗再補數！以後都唔洗！

補數有多痛苦.... 痛苦不單因為強烈的挫敗感

更加系因為對唔住教我果個..

「點解你講極都唔明？」

「lee題做左七、八次你都唔記得！」

「你唔記無人幫到你！」

「你到底有無聽我講？」

「你發緊夢呀？」

「我叫左你計快d啦！你咁樣無可能及格！」

「你對住條數可以呆兩、三分鐘先寫，寫完又錯！」

「你又唔系聰明個d，又唔肯平時練... lee d真系唔系靠聰明，系考勤力」

「唉...算啦.....」

我唔系無聽你講 .冤枉呀！系能力問題.我智障

我知你地對好用心教我. 但我卻一次又一次令你地失望. 對唔住

還有,,,地球先生，我害你病得更嚴重

我陳紫欣maths只及格過一次..

經過多翻努力..結果系level 1 

可笑.....實在可笑

咁點解我要努力？點解我要補習？點解我要學maths？

真系倒錢落海...

系我計數計到最失意嘅時候,

總想起莊子教我要緣督以為經.. 可以保身，可以全生，可以養親，可以盡年

莊子多謝你！向你致敬！

maths系我嘅童年陰影、毀掉我嘅青春..   被輕視、被踐踏自尊....

罪無可恕！我唔會原諒你！此恨綿綿無絕期

最後 我要感謝仗義教我maths嘅同學、老師、教會嘅b/s

 特別系萬安..無言感激

教左我六年數的補習老師...辛苦你啦（90°鞠躬）

 大娉，我地終於可以把數學踩在腳底下放肆的踐踏