小車…終於爆咗出泥啦~好多人關心小車無野做…

點算…?小車我未驚過…當然有為自己諗定後路啦…

首選,就係接返多啲model job~其實我為咗正職,

放棄咗幾次接job啦~多數啲job喺平日先多…

次選,就係做返sales~雖然假少啲…but人工高啲…

識多好多人…唔洗好似而家咁日日見同一班人…

其實…而家呢份都好好…但係……………唉~

唯有睇聽日進展啦…

原本收工返到屋企快快樂樂咁食完飯,睇臘筆小新…

點知阿哥收工返泥就出事啦!恐怖大魔王又發顛咁嘈嘈嘈…

(已經持續二十分鐘)痴線!逼到我忍唔住出聲:

嘈夠未呀!人地(我阿哥)已經肯返工啦!

又喺到嘈!係咪想佢又唔返工先安樂?

恐怖大魔王:你咁講,我咪唔出聲lor~

→兩分鐘後←

恐怖大魔王又嘈嘈嘈嘈嘈…(持續咗十分鐘啦)好很煩呀!

我:你嘈完未啫?又話唔嘈?畀吓佢自由得唔得?

恐怖大魔王:佢日日問我攞一百蚊用,又要包佢屋企食~

我邊有咁多錢呀?係咪你畀先?......(下刪一百字)

我:咁人地無返工咁耐,問你攞錢返工好正常啫!

你咪等佢出糧,慢慢畀返你lor~!

恐怖大魔王:講你就叻!你有畀家用好巴閉呀?

屋企你就可以大晒架啦?尋晚阿偉無門入,

你就鬧阿哥細佬!你以為你係邊個?(又下刪一百字)

我:(開始火火地)我有鬼話我好巴閉!尋晚係邊個錯先?

明知有人未返屋企仲反鎖鐵閘?係咪搵野泥做?

大佬我要返工架!凌晨三點起身特登走落碌架床開門!

你話應唔應該鬧呀?

恐怖大魔王:(無聲出...呆咗陣=o=")

咁你就可以大晒ga la?以前你乜乜嗰陣…

咪又係我乜乜乜…(搵唔到野鬧我...就翻舊帳!講盡有骨又難聽嘅說話!)

我:咁無野好講啦…乜都我錯!你啱晒!

嬲到即刻關房門~開大喇叭聲~但都蓋唔到佢把聲!好討厭呀~

好辛苦…忍唔住一個人喺到喊…當初阿哥無工返,

你係咁嘈我逼佢搵工返…有工返又喺到嘈…阿姐你想點呀?

你好難服侍!我頂唔順囉!好想出街…唔想留喺屋企…

但又唔鐘意一個人呆喺街,好無聊…被逼聽咗佢個幾、

兩個鐘嘈嘈弊先停…我就泥痴線架啦!=︿=

今個月發生咗都幾多野…當然都係有開心.唔開心ga la→廢話!

哈哈…今年生日都算過得唔錯啊~喺山頂食dinner.

食咗三個生日蛋糕.仲有竟然收到唔係bf送嘅花花…

真嘅要多謝所有陪我顛、送禮物畀我嘅朋友們~

今個月仲有毛哥終於返咗泥我身邊啦…佢真嘅超慘囉…

經我同屋企人嘅努力…已經好返好多lo~呵呵…

九月小車真嘅要努力多一點啦…朋友們…

可能我地相聚嘅時間更少啦~