而家發展成咁…可能係好事泥嘅~

不過,佢真係畀我睇死咗,唔會辭職~呵呵~

佢唔係我,邊有咁好彩入到泥做呀~

唉…唔知下一個畀佢靠害嘅受害者係邊位lo~

尋晚已經好唔舒服了~原本今日好唔願返公司的…

但死雞撐飯蓋…本身都好唔舒服…但屎姐都唔幫吓手…

激死我~最後都頂唔順…十一點sick leave咗…

去咗睇急症…今次終於唔洗睇醫生,等幾粒鐘…

因為病到太辛苦了…氣喘、心口痛…跟住即刻做咗心電圖…

我都係第一次做…見佢夾住晒手手腳腳,即刻諗到做戲嗰d…

電到人地傻個d機器…好驚囉~~~

個護士姐姐見我驚到周身郁,即刻話~唔准郁…

之後佢d吸盤吸到d肉好多印囉~哈哈…

原來我見嗰個都ok靚仔嘅醫生…可惜,佢太矮了~

初時佢只係話,心電圖check到心跳快咗少少…

叫我做咗d檢查,就話~嘩…你d心跳真係咁鬼快嘅~?

然後去咗抽血、照X光~慘啦…等抽血報告,

等咗兩個幾鐘…然後話未檢查到咩大病…

而家嘅情況,可能暫時性~亦有可能我食完藥嘅副作用~

所以需要覆診…詳細檢查…如果等覆診期間,

仲係好辛苦,就要入院了~慘慘…

跟住見醫生,攞醫生紙嗰陣…無搞振機~

咁啱收到有個sms…一響,個醫生笑咗出泥~

因為個ring tone太搞笑了~哈哈…搞掂晒d野,

個醫生好搞鬼咁講~~~終於走得啦~~~

終於知道呢兩日點解成日頭痛啦…

又係d先兆泥嘅~討厭!!!

點解我會咁辛苦架…?哎呀…

好鬼死想睇柴犬…但而家努力草錢中…

唔可以去睇了…乜都要慳…好慘…

不過…最慘都唔係呢d…

最慘係有人講我知d野…

搞到好down的呢…upset....

難道真係好心無好報?

一d都唔會檢討自己做野上面係咪有問題…

而將d錯不斷推射去人地到…都幾卑鄙~

仲話喺麥當當學識到應該點樣去工作…

好彩我行得正…企得正…怕鬼你咩!周圍做野,

都係新泥新豬肉架啦…得你係例外咩!弱智…

我唔明,我有咩假囉~假極都唔夠你厲害~

原來表面同我和好如初咁…反轉豬肚咪係屎囉…

有好嘅野,唔會預我…我無預你,你就黑面…

呢d咪就係你本性囉~

今日同低低b一齊出口…一齊搭地鐵去到金鐘站嘅時候…

有條騎呢怪,走埋泥問黃大仙點去…教咗佢,佢仲叫我帶埋佢去…

痴線架?嚇呆我囉…好彩同埋低低b一齊咋…唔係嘅話仲唔嚇死?

然後去到九龍塘…will哥哥未到…所以行咗陣又一城…

忍唔住用咗幾佰蚊…買咗d明知唔抵嘅野~

之後同will哥哥行去影d好特別野嘅時候,又有條粉蛋~係到話…

無廿九蚊搭車返屋企…嚇瓜咗…跟住去到目的地影唔夠三個字…

就畀蚊針到阿媽都唔認得~!所以即刻去返城大影~正呀~

之後出咗沙田搵呀妹…仲有佢啲好好玩嘅fd~一齊食大排檔~

好好味~係鹹咗少少咁啦~接住落太子飲…我只係陪坐啫~

呵呵~同埋今日媽媽出院了~開心~