今日瞓咗四個鐘…就去咗美食節~原本想買零食…

點知買咗好多餅…跟住返筲箕灣搬屋…執返最後d手尾~

之後搞到返cwb遲到…超攰呀…返到八點先收工…

最晏收工嘅一日…不過…今晚最開心係…

范振鋒走過泥同我傾計啊~嘻嘻…跟住臨收工又有條友都幾好樣嘅,

走過泥撩我玩…條友好搞笑…

but我唔記得佢叫咩名lo…收工走都繼續撩我玩…

哈哈…好彩有婷婷幫我擋住~

今日早走咗一個鐘…返咗屋企瞓…到九點又起身返cwb~

今晚好彩唔忙…仲要超得閒呢…然後呢…

我照平時咁幫客換吓煙灰盅…

點知畀企喺到嘅客"批掙"落個頭到…好痛…

跟住有個男仔幫我擋住個頭…驚我又撞到…幾好的…

之後佢見我得閒…就走過泥,撩我玩十五二十…可惜我唔識玩~

跟住淨係傾閒計…佢臨走仲話我會記住你嘅!哈哈…

佢個樣睇落去唔差嘅…希望下次見到可以做到fd啦~呵呵~

仲有…佢又係叫阿偉…嘩…呢世人識咗好多個阿偉呢…

而且我幾個ex都係叫阿偉啊…

今日媽媽話佢病咗…之後又向我投訴阿哥,

問佢攞六百交上網費…但阿哥同我講無做過呢d事…

唉…都唔知佢地想點…

一個就成日係唔係都會誇大啲事物

(咁就成功畀佢攞咗我百二蚊睇醫生),

另一個就多多藉囗…有手有腳淨係喺屋企糧地…

我星期一至五朝九晚七一份,五六、假期通宵又一份…

遲d又要上course…六日放假都無得瞓…

好唔開心囉…好想實現夢想…但成日咁多阻礙…

令我斷斷續續都學唔到…一年推一年囉…

幾時先可以實現到呢!?講返轉頭…

點解我屋企人永遠都係咁古怪呢!?

媽媽永遠都只係向錢看…一有機會就要你畀錢…

(我唔係搖錢樹呀!!!).哥哥永遠都有好多藉口唔返工…

好辛苦呀…無興趣呀…離屋企好遠呀…起唔到身呀…

好多好多等等…細佬永遠都咁愛講大話…

呢排仲要鐘意做一樣野…"痴飲痴食痴玩"…

累我畀朋友仔投訴咗大半個鐘…唉…

好想要返一個係正常d嘅屋企囉…老實講…

我真嘅唔覺得呢個家溫暖…返而同霍家熟咗,

覺得佢地先溫暖…

次次去佢地屋企食飯都好開心架…好多野煩…

解唔開嘅心結…心有d痛…

唔知係咪好耐無喊過…無大叫發顛過…無同人談心過…

忽然間腦海湧咗一大炸煩惱出泥…令我覺得自己好無用…

好唔生性…好唔成熟…幫唔到屋企還債…養唔起自己…

仲咁貪玩…唔識教好阿哥細佬…成日撩阿媽鬧交…

諗到好多野…好唔開心…討厭自己又想喊啦~

今日收到第二份生日禮物…係ndsl呀…

未正日生日…都已經收到兩份禮物…

有人對我咁好…其實我滿足啦~不過…

人始終係會貪心~我想一大班人同我慶祝啊~