今日Fｉrｓt Ｄaｙ返中環~~~
哈哈…著到好好好好斯文啊~
好耐未試過啦…陰公…著高'爭'鞋,著到我腳好痛呀~~~~
哼~都話最憎著呢d架啦…
今朝原本諗住八點起身,點知畀隻死衰毛,
七點幾嘈醒我啦~~~!
跟住搞呢樣嗰樣,都要搞到九點先出門囗…
哈哈…去到中環啱啱好九點半lo~~~呵呵…都好彩無遲到…去到之後,
就要我睇一大堆股票資料…
我睇極都唔明係咩…
一開始就一大班人開早會…哈哈…要我一個人,對住三十幾四十人自介…
好怕羞…唔敢周圍望呀…跟住就入咗個大佬間落地玻璃房上堂…
嘩…好眼瞓~~~唯有擘大眼瞓囉~上到十二點半lｕｎcｈ,
好想偷走啦~點知…
有同事陪我去買野食=,="唉~買野食之前,
陪佢地去咗煲煙(我唔煲架!)…等緊嘅時候…有班粉腸,
好似鹹濕佬咁睇我條腿…
嚇到我閃去同事後面…好鬼驚~
食到點半又開會…今次就係介紹同一team仔嘅同事…講講吓,
有個問我有無bf喎…哈哈…我嘅反應就緊係,淨係識'吓'一聲啦~
開完之後,又入咗個間房,學睇股市…
睇咗一個鐘到…
就走咗去打我好討厭嘅問卷電話…仲要一打,就打咗三個鐘…
好慘~
收工之後,走咗去天悅買野…
有個老細就問我家陣喺邊度返工??我就話中環囉…佢就話,
咁耐無出現過,做銀行呢?哈哈…好似咩?佢就話我著到成套制服咁~
返到屋企就諗…我係咪應該繼續做呢!?!好煩…
