由16/9開學到而家...已經成個月有多lu...
之前我一路都好擔心o既野...終於都overcome 到...
終於都可以適應得到做返學生o既生活...
突然之間有一個一百八十度轉變真係唔係咁容易架...
話晒都做o左野三年...忽然間有呢個決定...
好多人都覺得我究竟考慮清楚未...
當然...亦都有人好支持我咁做啦...^^
要適應返要專心上堂...唔容易...
要適應返要努力溫書...唔容易...
要適應返要做assignment...quiz...一定都唔容易...
所以...我要比普通o既學生...付出更多o既時間...
記得早一兩個星期阿媽問我...
點解見人地o的大學生咁得閒...
但係點解見到我會咁忙咁多野做...
哈哈~我都好想知道點解我會咁忙...
可能係因為自己比自己o既壓力掛...
硬係覺得...樣樣野都好似做得唔夠咁...
可能亦都因為精神壓力大o既關係...
當我好想靜靜地做下功課溫下書o既時候...
環境好嘈的話...自己就會變得好噪...
早幾日亦都因為咁走出廳話我阿婆傾電話唔好咁大聲...=.=
同埋唔知點解...甚至連喊都比之前喊得多o左...
可能...呢個都係自己抒發情緒o既方法掛...
近排...突然...愛上返聽廣播劇...
可能係因為不嬲都鍾意睇小說o既我...
而家已經冇咁多時間比自己拎住本小說黎睇...
有時間都用晒黎對住功課啦...仲邊有時間睇小說丫...
所以...就利用返學行返學校...同埋放學行返屋企o既時間...
一路聽住廣播劇...一路relax...同埋享受一下自己腦入面幻想o既世界...
之前鍾意睇小說...都係因為...睇文字...幻想o既空間可以大好多...
相對睇漫畫同電視...會冇咁多限制...
雖然聽廣播劇都會有聲音去帶動我o既幻想世界...
不過...都總比漫畫同電視好...至少...我行緊路都可以聽丫嘛...^^
哈哈~~~但係唔知點解...我都居然可以聽廣播劇聽到喊...聽歌聽到喊...
可能...真係開始步入傻o既境界lu...=.=
o係呢一個月入面...可以適應到...
除o左...一班o係我身邊o既人幫助之外...
有一個人...佢o既說話...
間接幫助o左我好多...
之前我一路都好驚...好怕...好擔心自己o既決定係咪有錯...
講得咩o的...我都算係犧牲緊自己o既青春...
放棄o左自己全職o既工...放棄緊一o的自己搵錢o既機會...
睇完佢咁講...自己就會諗...既然都已經踏出左第一步...
唔犧牲都犧牲緊啦...點解唔令到自己而家o既犧牲變得係值得o既呢?!
既然選擇o左...就要盡全力去做...就算最後結果唔好...至少可以令自己無悔...
佢o既說話...經常性都會對我有一o的o既啟發...
哈哈~佢係邊個?! 其實...佢係一個明星...
之前一路都好似好怕比人知道我鍾意佢...
可能...因為好多人對 fans 都有一o的另類o既睇法...
尤其是係鍾意佢o既fans...一定會覺得淨係貪人靚仔...
但係...講明先...我由頭到尾...都唔係淨係貪佢靚仔...
學o的日本人話齋...呢o的叫「顏飯」...但係我唔係...
不過...好認識我o既朋友...都應該好清楚...
就算係一個明星...我係唔會貪佢個樣...
講真...如果係貪樣...我就唔會鍾意千嬅同基仔咁多年...
佢都係唔會例外...我鍾意o既...係佢o既思想...
所以...我好鍾意睇佢o既訪問...睇佢o既日記...
佢會帶到o的好positive o既message 比我...
同埋我好欣賞佢努力不懈o既精神...
好多人都覺得佢屋企錢多到佢可以唔駛做...
以佢o既樣...根本唔駛咁努力咁搏都可以好紅...
但係佢仍然堅持...因為佢一直有一個信念...
一係唔做...一係就要做好...既然選擇得去做...就要盡力做好佢...
佢係邊個?!就係來自Brunei o既Wu Chun 先生...
o係佢身上...學到幾樣野...
盡全力去做每一件事...要令自己無怨無悔...
要珍惜一切一切...同埋最緊要開心...
只要開心、無悔...就算有幾多得失...都係值得...
 
| 
