唉~

唉~o係近排...唔好o既事都可以接踵而黎...

選莊...我地輸o左...上唔到莊...
雖然話就話呢樣野係預o左...
但係有冇唔開心...我話冇都係自己呃自己啦...
只可以向好o個方面去諗...
我地...真係贏o左一班好好o既朋友...
贏o左好寶貴o既友誼返黎...

選完莊之後...就係要趕assignment o既時間...
我諗住冇乜時間做咁咪開夜車囉...
星期三o個晚一補完習就返學校開工...
返到屋企再繼續...做到凌晨六點先去訓...
第二朝又再一次返九點...
但係...黑仔o既事情就發生喇...
哈哈~星期四夜晚返到屋企...
想繼續未完o既assignment o既時候...
部notebook 居然開唔到...load 唔到入window...
notebook 開唔到唔係問題...我仲有一部desktop...
但係最悲哀o既係...我份assignment 淨係save o左o係notebook...
即係話...成份assignment 要由頭做過...
我已經做o左大半囉...攪到我真係好想放棄唔想做...
唔知係咪壓抑得太多...我居然再一次喊左出黎...
唉~~~好彩...有一班粉皮們o既鼓勵...愛死你地呀...>3<
再一次做到六點...八點幾起身再開工...
終於...o係下午一點鐘完成o左呢樣咁艱辛o既工作...>.<

不過亦都因為捱o左咁耐...我終於...都病o左lu...
唉~~~已經好好彩...唔係o係我最忙o既時候黎病...
算係忙完晒先黎病...都算係一件好事黎o既...@@
睇黎我呢個辛苦命...都應該係唔可以比自己有機會停落黎架喇...>.<

仲有一樣最攪笑o既野...星期五晚...我準備o係旺角撘車去補習o既時候...
我拎住o左個電話...同埋個電話套...再加埋個銀包...
上車do完八達通...行去搵位坐...點知一坐落...
我居然發現我手上得返個電話同銀包...個電話套...唔知o係幾時跌o左...
我自己仲要完全唔知...完全冇感覺...
死啦...我不嬲都唔係o的咁o既人黎架...
我成日都仲話我阿哥成日會無啦啦跌野...
我仲好叻咁同佢講...我咁大個女都未試過唔見野...
而家...就居然比我嘗試o左第一次...>.<

不過以上o既野...都唔夠琴日發生o既悲慘...
琴日出去灣仔搵傻B之前...發現自己銀包入面一蚊都冇...
咪諗住去禁錢啦...可能因為我不嬲禁錢o既時候...
都冇乜check自己acco既習慣...所以唔知仲有幾多錢o係度...
諗住一陣又要食飯...又要入八達通...就諗住禁多o的啦...
但係當想禁$300出黎o既時候...我發現...禁唔到...@@
最多只可以禁到$200出黎...個答案點解...唉~我都唔想再提...

救命呀...救命呀...救命呀...>.<
點解會咁架?!點解會咁架?!
去到第二個sem...又冇o左份補習社o既工...
得返兩個私人補習...又少o左成千蚊收入...
開sem...又要買書...買呢樣買o個樣...
頂~~~o的新年利是錢都放晒落去o的書度...
幾時先可以搵得返多o的錢呀?!
sem 尾我真係好想好想好想去台灣呀>.<