沒有你的第一天

唔知點解...琴晚突然之間咁大膽...同你講o左想講好耐o既說話...
我o既性格係一路以黎都唔會同人o地講自己o既感覺...
一直都覺得忍得到就忍...如果真係忍唔到o既話...就算啦..
但係琴晚居然咩都講晒...或者...真係希望會有o的咩改變掛...
一講話冷靜...呢段冷靜期又會係幾耐?!?!?!
對於我呢個被動o既人黎講...呢段冷靜期會由我黎結束嗎?!

其實我每一朝早都會較定自己個Melody鬧鐘同手提個鬧鐘...
就算聽到鬧鐘響都好...都硬係會再訓返...
因為...要等人打黎叫多我一次先會正式起身...
今朝早一早起身...唔知點解...好不自覺會等人打黎叫我...
一路等呀等...都冇人打黎...最終只好自己起身...
不過o個時都已經七點半lu...
一路換衫又會不期然咁去望o下個電話...
突然不禁有o的失望...

上到車...我終於都明白小雯雯o個日o既心情...
原來...當得自己一個o係車度...心情唔好...
又聽住o的慘情mood o的o既歌o既時候...
眼淚...真係會不自覺咁流出黎...
好耐都試過咁喊過喇...

全日o係公司都冇乜笑容...為o左唔想比人見到...
就同媽媽講話我要上樓上...仲要坐足全日...
可能因為撞正我o地兩個都唔開心啦...
小雯雯又想上黎...點知就比媽媽話我o地兩個居然爭住上...
21樓...居然成為o左我o地兩個o既避難所...真諷刺...

唉~~~o係放工o既時候...
仲要比張醫生話我o地兩個今日影響市容...
冇計啦...兩個都冇黎笑容兼眼腫...將就o下啦...>.<

放o左工仲要同小雯雯同CaCa去學整蛋糕...
雖然...只不過係一個好易整o既蛋糕...
但係o係o的咁o既時間...
整出黎o既蛋糕又點會有心機呢...
仲要整o既時候先發現...
有人曾幾何時都整過呢個蛋糕比我食...
唉~~~就算連整個面...都冇心機...
是是但但求求其其就算喇...>.<

返到屋企...一路online on到十一點幾十二點...
一路都想睇o下有冇人online...
亦都不時睇o下個電話...每一次都係失望...
真係因為係習慣o既問題嗎?!

原來...對於一o的人黎講...
習慣係咁容易改變的...話改就改...