好想睇<塚愛>呀~~~

真係好想睇<塚愛>呀...
由佢未上畫o既時候...我已經想睇...
到到而家佢已經上o左畫一個星期喇...
但係我仍然都未係去睇架...>.<

o係今晚...o係臭豬打黎o既時候問佢...
問佢星期六係唔係出黎接我放工去睇戲...
佢講o左一句...「唔係...」
真係好唔開心呀...
等o左咁耐都係為o左睇一場戲...
點知到頭來...都係得個吉...

仲記得我地上一次睇戲係幾時嘛?!
好似已經係「每當變幻時」o既時候喇...
如果唔係因為有千嬅...
佢跟本就唔會願意入戲院睇戲...

行街睇戲食飯...係好多時下男女做o既野...
但係...呢一切...都好似變得唔再屬於我咁...
我知道佢o既工作係需要互相遷就...
呢個道理我明白...亦都接受o左...
但係...有冇了解過我o既需要?!
一個女仔...係需要人關心架...
我地傾電話o既時候...已經越黎越少...
相處o既時候...亦都當然一樣啦...
難道真係連可以o係星期六日放假o既日子...
都係o係屋企度渡過?!瞓o左佢就算?!

今年o既聖誕節...我知道佢因為工作關係...
冇法子陪到我...我亦預計到又將會係自己一個人過...
迪士尼o既聖誕...我真係好想可以同佢過...
但係...會有o的咁o既機會咩?!
難道我會唔想可以同佢一齊去迪士尼過白色聖誕咩?!
佢要做野...我唔會怪...呢個係佢o既工作...
但係有時...我真係唔想每一日假期都係o係屋企虛渡...>.<
我都係一個好普通o既女仔黎架咋...>.<