好炆呀好炆呀~~~

痴Q線架...無啦啦又打電話返黎鬧人...
而家咩事呀...係咪發o左癲呀?!

話我做野最醒...但係最慢...
大佬呀...佢都要諗下...
人地都要有時間去做先得架...
次次一交野比人做...就會不停咁講...
樣樣都話urgent...樣樣都話要做先...
做完o左o既就永遠都唔記得...
未做完o既就會不停咁啄住你...
永遠無功...只會有過...

我真係唔明...一路比佢鬧...一路做野...
咁樣都會比佢鬧得再勁o的...話我唔尊重佢...
大小姐呀...我坐緊o既係counter呀...唔係房呀...
會有好多人出出入入架...比人見到我拎住個電話...
但係對手又乜都唔做的話...咪只會比人話我偷懶o係度傾電話囉...
o的人行過...鬼知你對面線係邊個咩?!以為我傾私人電話咪死...
況且...o個o的時間好明顯就一定係有野做架啦...
邊有可能完全停低晒唔做野而去聽佢講野呀?!
用下個腦諗下都知啦...成日話我地蠢...但係我唔見得佢精明得去邊囉...

o個呢一刻...真係有個衝動...星期一返黎就比信...