我鐘意既人=(佢)   其他人=佢
12月10日真係好開心呀,因為呢日係我公司搞食飯既日子!!
當日我們每人準備一份禮物食飯時玩交換禮物ga!!
咁我地下午上班既時候,(佢)幫另一個同事手派貼紙比我地(痴)落份禮物到.....
但係最好笑係(佢)過黎我個部門派貼紙,但係(佢)手上個張大貼紙內,只我有個名,而係冇我其他同事既名ga,
(佢)個傻瓜仲叫我部門幾個人拎定出黎,點知換黎既結果又係比人話我同(佢)兩個囉,
有個同事係到講笑話:<都唔知你係咪特登想親手比張貼紙佢(代表我)ga,又會咁岩我地個部門個個都冇係得佢有!!>
比個同事玩屎我同(佢)喇,咁都可以講成咁!!
到夜晚食飯真係好開心ga!!
咁我同個同事出去攞野食,但出到去就各有各睇,所以出到去後分開睇食咩,
咁我就去夾左少少剌身,我夾完諗住行去睇下仲有咩食既時候,突然後面有人叫我幫佢夾野食,
我一轉頭望,原來(佢)企左係我後面喎,咁我咪幫(佢)夾野食,幫(佢)夾完,我地一齊行睇下有咩食,
點知都係諗唔到食咩,咁我返位前咪去攞埋日本芥辣,攞左芥辣後(佢)問我,你諗住單手倒豉油呀??
我話唔係點呀??(佢)就話你小心一陣會跌哂d野食呀...我話下,點解呀??
(佢)就話因為個豉油好重ga,咁我咪話應該唔會既,咁一係不如你幫我倒喇,好冇??
之後(佢)就答我,我企係到就係諗住幫你之ma,唔係做咩企係到呀!!我當時聽到(佢)咁講真係好開心呀!!
到食到差唔多,交換禮物既時候就到喇,我比佢地選中做第一個抽既人呀!!
抽之前佢地玩人物介紹__(佢)係派禮物大使,(K)係負責去拎禮物比(佢),而還有(D)&(J)就負責做主持!!
咁介紹完我就抽,我就做第一個抽,點知一抽就抽中左(佢)果份禮物呀.....
即刻比人笑呀,佢地話我同(佢)兩個都唔知係咪一早夾定做左記號果d呀,比佢地玩死喇.....
(佢)派左禮物比我之後突然有人話叫我吻(佢)一啖呀!!我即刻面都紅哂呀!!
仲要比人笑,話乜原來派禮物有得比人吻ga??
之後都到第二個,但係比人笑左我同(佢)好一段時間呀!!
但係講真我抽到(佢)份禮物我真係好開心ga,因為未開始之前,
我都一直係到諗唔知我會唔會抽到(佢)既果份禮物呢?如果抽到就好喇,但係最後真係抽到呀!!但係(佢)唔係抽到我份禮物既!!
之後過左兩日我見到(佢)換左手機呀,(佢)換果部機咁岩係呢期出既5系列電話,(佢)就換左3果部,而家就係6果部呀!!

##其實係咪真係有緣分呢樣野ga呢??但係有緣又未必有分.....
     咁我同(佢)其實係有緣分,定係有緣無分呢??
     有時候我會覺得我同(佢)好似好有緣,好似交換禮物果到咁丫,三十幾份禮物我仲要係第一個抽都會咁岩抽到(佢)果份!!
     其實因為有一件事另我覺得我同(佢)有緣ga,因為我岩岩黎呢間公司做既時候,
     有一日我係沙田見到(佢)同d fd一齊,果個係一個好少人會行既位置黎ga,因為當時我在等朋友,所以sin會係果到!!
     但係當時我見到佢我冇叫(佢),因為我果時岩岩sin轉工,係而家呢間公司做都唔夠一星期,所以我當時因為驚(佢)唔認得我,
     所以我當時就冇叫到(佢)!!呢d係咪叫有緣呢,我都唔知呀,但係我只知就算係有緣,如果(佢)唔鐘意我對我冇意思,
     再有緣都係冇用,因為(佢)唔會鐘意我囉,亦代表我同(佢)唔會一齊,只會做普通朋友!!##