咁快又星期一喇~今日係萬聖節~不過我冇出到去玩呀~
因為太多人喇~同埋,今日都早左返屋企~所以都費事再出去喇~
今日呀,一大清早就俾人屈,屈我冇睇清楚,做漏左野~激氣呀~
明明係我冇做錯呀~頂丫~明明係佢自己寫漏野俾我,仲係到話我~
俾佢一咁講呀,我就多得佢唔小喇~頂~最近已經成日都俾另外一個人屈啦,
今日叫我做野,聽日就打就去問老闆d野幾時有~shrit~
成日搞到我好似冇做野咁,頂佢個肺~勁嬲啦~已經一收到佢d野,立即放低手上工作,
做左佢個份先啦,咁都唔滿意,咁都話唔好既,我都唔知,我應該可以點做喇~
我已經夠多野做啦,有時已經係做到d手指好痛,d骨又好痛,
根本講出黎都唔會有人相信,只會覺得我講得好誇張,有咩可能會做到手指咁痛~
咁又係既,d人根本就未試過,一日係六個鐘裡面,不停不停咁係咁打字,
其實周邊睇既人,好似好容易咁,但一做起上黎,未做過都唔知~
不過算啦~反正都唔會有人信,其實有好多野都係有苦自己知~
唉~算啦~我今日都係冇咩心情呀~雖然今日應該係開心既日子,
但好可惜,我一d都笑唔出。