|
|
嘩~昨日平安夜好開心呀~呵呵~首先就同草莓去旺角行街,好搞笑囉~
兩個人好悠閒咁,行旺角中心啦,之後就夾糖,跟住我地就去左許留山食tea,
食完之後就去左行信和睇野,好搞笑囉,竟然信和第二層變左做賣衫,賣精品既野,
而唔係好似以前咁賣碟囉~唉~可能真係太耐冇行喇~哈哈~有o的out喇~
跟住就行左潮流特區同瓊華商場,之後草莓就話要食肯德雞,所以我地就去左食,
咁我就只係食左個紫菜雞卷小食同鬆餅,不過我都食唔哂,哈哈~
因為個鬆餅太硬喇~又唔熱喎~食完之後我地就去睇KING KONG,
嘩~超好睇呀~不過就有小小恐怖feel囉~有o的都俾佢嚇親呀~
有o的場面驚到我同草莓拖住手一齊睇呀~哈哈~有o的因為太嘔心同恐怖,
我就合埋左眼唔敢睇呀~ha ha
 不過一開頭就真係講得長左d囉~
而且係一個咁舒服既環境,所以係有d想訓覺既感覺~哈~哈~不過真係好緊張呀~
睇完之後都九點幾喇~成三個鐘,真係坐左好耐呀~跟住我地就落左去尖沙咀,
行街同影相,同埋做左一樣,我從未試過既野,就係.................跨欄喇~哈哈~
因為我同草莓都唔想行一大個圈先去到SOGO,所以我地就跨欄過去喇~
我覺得自己好叻呀~哈哈~我真係咁大個女都未試過呀,仲要著住條短裙呀~
跟住我地就行SOGO,行到咁上下,就搵個位坐低邊食雪糕,邊等小強同Parco,
昨日又識多左個朋友仔,佢叫BOBO,不過係男仔喎,聽個名好似女仔咁~hehe
係我地坐係到等Parco同佢女朋友既時候,我就同小強講,話佢份聖誕禮物有我個袋咁大個,
因為我昨日拎左個都ok大既袋,之後佢個表情就好搞笑,我同草莓都係咁講,
話份野好大呀~個袋都係岩岩好袋到咋~哈哈~因為佢冇帶袋出街~
所以個表情好似好驚訝咁,係到問,究竟係咩呢?但係我又唔拎出黎俾佢睇,
份野其實真係有幾大喎,呵~之後我就話d野我拎左成日喇,好累喇,
所以我同草莓就將我地手上拎既野就俾哂小強幫我地拎喇~哈哈~
跟住我地就一齊行左去尖東個邊,影下相咁啦~行到咁上下,我真係頂唔住,
終於都係俾番份聖誕禮物Parco同小強佢地自己拎,因為原本打算見佢地冇袋,
所以就袋住,到我地走既時候先俾佢地既,但因為我拎左成日真係好累喇~
不過最搞笑就係,我係到話熱,出哂汗既時候,草莓就話佢唔熱,仲岩岩好添~
嘩~我已經唔係著長袖衫啦,都係著左件好薄既中袖衫,同一件外套,
但我真係覺得超熱呀~我一除左件外套,件衫都濕哂喇~所以我同佢好大對比呀,
之後我地去坐地鐵轉西鐵返去,上到西鐵草莓就已經累到訓左係我膞頭到喇,
差唔多到既時候佢先起身,佢真係好累,同好好訓添呀~哈哈~
之後我返到屋企,沖埋涼,整埋d野,打算睇一陣書就訓既時候,Parco就打俾我,
咁我就同佢傾左成個鐘之後先訓,不過我昨日真係好開心呀~好耐都冇試過玩左成日喇
 而且又有禮物收~嘻~
原本打算今日可以訓晏d先起身嘛,但點知係我十點幾最好訓既時候,
竟然有人打電話黎我屋企,仲要係不停咁連續幾個,之後就俾佢嘈甦我,
搞到我依家超頭痛囉,岩岩仲食左粒頭痛藥添呀
 真係激死呀~
竟然放假仲訓得比平時返工仲要小時間呀~唉~過份啦~依家好憫呀 >,<
我最唔鐘意就係,我放假既時候咁早有人打黎嘛,因為我真係會好嬲,好憫,
而且會好想鬧人,如果係點幾二點打黎,嘈甦我,我都冇問題,因為我都差唔多起身,
但咁早就唔得~唔得~唔得呀~唉~依家好頭痛呀真係 >,< |
|
