唉~今日超級唔開心,簡直係完全失控既狀態呀 >,<
今日一起身,就開始睇碟不停咁食野,食野,食野,而且開左好多包零食,
但每包開完之後都係食左一兩粒,或者一兩塊,我就放埋一邊唔食,
之後我就開始有d失常,不停係咁眼濕濕←(簡直癲左)
到左媽咪差唔多返屋企既時候,我就入房睇書,之後我就盡量控制住自己既情緒,
但當媽咪落街既時候,我就真係失控咁,不停係咁大喊,之後媽咪返黎,
佢仲見我係房到睇書,佢就好奇怪咁望住我,佢問我:你做咩呀?個鼻咁紅既?你喊呀?
咁當然我就係搵藉口話,冇呀,只係累,所以打呵欠之嘛~其實我諗佢應該覺得我有d唔同,
之後食完飯,佢就叫爸爸同我講,你出街啦,自己出去小心d咪得囉~
跟住我冇理到,我就去左沖涼,但一入到去,我又忍唔住..........癲左咁..............
唉~其實可能我d朋友會覺得我好傻,好無聊,做咩搞到自己咁呢?想去就去,想做就做啦~
但可能其實佢地一d都唔了解我,我其實係一個咩都以屋企人為首既人,
我唔想做d令佢地會擔心我,或者係會令佢地唔開心既事,雖然我唔係真係話好大個女,
但出黎做野都幾年啦,接觸既野多左,諗既野亦都唔同左,我覺得我唔可以再好似小朋友咁,
只要自己開心,而唔理人地既感受,同埋加上係2005年裡面發生左好多事,而喱d事,
亦令我諗既野又唔同左,所以我知道雖然佢地把口係咁講,但我知道,佢地一定會好擔心,
我唔想因為我而令到佢地,成晚失眠,因為失眠既感覺一d都唔好受,而且仲好辛苦,
同埋佢地第二朝又要早起,而且我都咁大個人啦,冇理由仲要佢地擔心呀~以前細個就話唔識ja~
但依家都開始大喇~諗野會比以前成熟d~所以我都係算數~寧願自己唔開心咪算囉,反正發洩完之後,
我就會冇事,心情亦會好好多,同埋又唔係第一次,今次只不過係比平時失控得較為勁左d,
連自己都覺得好驚訝~不過對我黎講,係一件好事,因為我知道自己一直都抑制住,想喊,但喊唔出,
個種感覺真係勁辛苦,好彩,我今日終於都可以釋放出黎,所以依家真係好好多喇~
其實可能有d朋友會覺得........點解我之前會咁對佢?.........相比起依家又唔同左..........
其實好簡單,因為我知道邊d人我係應該拎個心出黎對佢,而其他人只係普通朋友間唔中吹下水就算,
因為之前對每一個朋友或者係男朋友都好,我都真係拎個心出黎呀,但我真係發覺,原來佢地真係真係唔會珍惜你,
有事咪搵你囉,冇事咪唔見人囉~男朋友就無聊個時咪搵下你,同下你出街,陪你傾下電話,
如果唔係,你想同佢傾下電話,出下街,佢都嫌你煩呀~唔好阻住佢打機啦~就係咁簡單~
最近有個朋友問我,點解之前我有男朋友既時候,佢打電話俾我,我唔聽佢電話?好似扮高"豆"咁~
但我依家只可以同佢講→sorry←因為我個時都唔知點解自己會咁做,但如果時間可以返轉頭既,
我一定唔會好似以前咁做囉,我唔係想俾藉口自己,而係我依家諗既野,比起我一年前或者半年前既野已經好唔同喇,
而且經過咁多事之後,我知道自己想要d咩,邊d人值得我珍惜我地之間既關係,我好清楚~
希望過埋喱幾日,係新既一年,我可以有新既開始,唔好再諗番以前唔開心既野,
希望可以變番咩都可以笑一餐,成日都開開心心既自己!!!!!!!!!!!!!!!!!!!!!!