嘩~今日好眼訓呀  今朝原本想打電話俾草莓既,點知...........打錯電話..........打左俾第二個........不過算啦,佢都唔會怪我既,因為神咁早七點幾,我都訓到傻下傻下啦~都唔知自己打俾邊個啦~哈哈~

今日有人黎公司幫我整機,點知佢整得勁耐囉,我等到佢六點半都仲未整完,我就閃人喇~因為約左Idy去元朗,唉~我一早都話左我唔去啦,又係都要人去呀,搞到我又買野喇........頂............我今日又買左件外套,同T-Shrit.......妖.........我又買野..........不過件外套我之前見到已經好鐘意喇,不過六百幾蚊,太貴喇,所以我忍住唔買,當睇唔到,但今次又再俾我見到.........而且仲有折添.......妖........搞到我最後都係買左,初初都話算啦,點知Idy又係咁話,鐘意咪買囉~激死~咁又買左喇~行完之後,都費時食野喇,返屋企食野算喇~唔想再用咁多錢喇~因為我仲欠媽咪好多錢都仲未還呀>,< 上個月既卡數,我都仲未俾番錢佢呀........今次大鑊喇~依家又有月結單返喇~今次都唔知點算好喇~真係唔可以再出街買野喇~我要停止呀~唔可以再買呀~因為我又要買Eason演唱會睇喎,所以真係唔可以再買喇,真係真係要慳喇~

都唔係好明,點解坐車既時候,d人咁鐘意坐係我隔離既~頂丫~成架車咁多位,佢都唔去坐,係都要坐係我隔離,個日出旺角又係,坐巴士出,我坐樓下,樓下得幾個人,好多位淨,但都唔知點解,個男人就係都要坐係我隔離........妖........真係討厭呀~都唔知佢咩心態既~跟住個日出完街,坐車返屋企又係咁,今次唔係男人呀,係個阿姑喇,佢又係咁,咁多位坐,又係都要迫入黎,坐係入面,佢坐都唔係問題喇,仲要佢拎個d野,整到我對絲襪drity哂喎,咦..........坐坐下,佢仲拎d唔知咩野出黎搽喎,超大陣味呀~幾難聞呀~咦~都真係唔明點解我成日都遇到d怪人呀???????