今日去左阿婆屋企拜年,阿婆仲整左鮑魚、魚翅俾我地食,哈哈~不過只係有六個表弟表妹都去左,都仲未齊既,如果齊哂咁多個就好喇~因為好耐都冇試過齊哂咁多個一齊喇~不過佢地個個都大個仔大個女喇~嘻嘻~好彩,我同佢地冇代溝,一樣咁岩玩,咁岩傾~呵呵~不過吉吉真係好識講野,佢竟然同我講『表姐,你靚左又瘦左!』但佢阿哥嘜嘜就話『表姐,你肥左又靚左又矮左又醜樣左。』當然,我一聽完之後就梗係同佢開年啦,作死佢,咁樣同我講野,都唔死呀~哈哈~跟住佢地個個都問我係咪去纖體,昨日去三伯娘屋企,佢地個個又係咁講,又係到問,我係咪拍拖呀,做咩靚左咁多同瘦左咁多,唉~不過佢地都未見我最瘦既時候,我最瘦既時候係人地放緊暑假個段時間我先係最瘦~所以依家都係肥左~咁當然,我既答案都會好一致既,就係冇呀,依家好肥呀,塊面好脹呀~冇拍拖呀~唉~咁我事實上又真係冇嘛 =,=