嘩~幾日都冇寫日記喇~因為真係真係實在太忙喇~哈哈~講下喱幾日發生d咩事先~

<星期四>一早就起身,之後就同媽咪、爸爸返左中山休息~因為太累喇~哈哈~不過好開心呀,因為係我等緊坐車去上水既時候,就收到基仔個電話喇~哈哈~仲以為咁早邊個打俾我添~因為我本身以為要到夜晚先收到呀~估唔到一早就收到喇~真係實在太好喇~呵呵~所以我成日既心情都非常好喇~嘻嘻~之後由深圳坐左兩個鐘頭車先到中山呀,嘩~勁悶囉,因為又訓唔著覺喎,所以就係咁聽歌,聽完又聽,好彩之後播戲睇先冇咁悶咋~到左之後就去左食野,不過d野食就麻麻喇..........食個d餃子,d皮太厚喇,搞到我食得好似好奇怪咁,食哂入面d肉,d皮就係番到~哈哈~不過有d都ok好食既~食完之後就返去休息同放低d野,之後就去左行超級市場,哈哈~買左好多餅乾囉~因為我勁鐘意食呀~跟住就去左打邊爐,勁搞笑囉,因為用粥黎做窩底,同埋又叫左碟南瓜餅食,勁好味囉~呵呵~食完之後就返去睇電視喇~其實我都已經好叻女喇,行超級市場個時買左兩套碟,打算夜晚個時睇既,點知...........到我睇完之後都係唔係好眼訓呀...........點算........又訓唔著喎.........之後咪打電話同基仔傾左陣囉,點知.........佢個野丫........係咁話好貴,好貴........作死........之後就係張床到碌幾碌先訓得著咋~

<星期五>十一點到就起左身喇~之後媽咪就整左個杯麵同佢兩份食.........因為我慣左放假,一起身刷完牙就要食野,但一早我又食唔到咁多野,我都係食左小小啦,因為我食緊旺旺嘛~呵呵~之後就去左飲茶,跟住就去左按摩,嘩~好舒服呀~真係好正呀~按摩完之後就去左天天漁港食我最鐘意既菠蘿飽,因為個到d菠蘿同香港好唔同既,因為入面真係有菠蘿呀~勁正呀~跟住返去又睇碟囉..........不過睇睇下都冇咩心情睇喇,之後就打算睇下書,睇到眼訓就訓啦,點知...........睇睇竟然無啦啦有電話響喎...........呵呵~原來係基仔打黎~好搞笑,同佢岩岩好講左一分鐘就收線~勁呀~不過都好開心呀~之後就訓喇~

<星期六>嘩,一早六點就起身喇,因為要趕住去搭車返香港呀,因為我要返工呀~勁累囉,又凍喎,又落雨...........不過我今次一上車就訓覺喇,因為太早起身喇,所以可以訓得著~嘻嘻~跟住兩點半到就收工返屋企,沖涼,洗頭,換衫就出去喇~因為約左草莓、小強、阿輝、BoBo去睇Eason演唱會呀~不過就早左出去囉,因為媽咪、爸爸載埋我出去,佢地要同伯娘、姑姐、阿爺佢地食飯嘛~所以我就同左佢地行陣尖沙咀,之後我就去搵佢地食野喇~不過Eason演唱會,我就覺得麻麻喇........可能佢唱個d係新歌啦,所以我覺得有d悶囉.........睇睇下訓著左...........哈哈~不過之後唱個d歌就都幾正呀~我最鐘意都係佢之後個part呀~真係好正囉~睇到都差唔多十二點啦~之後就同草莓坐車返去~返到去沖完涼就同基仔傾電話,傾到二點幾就收線,點知..........係我岩岩訓著既時候..........Jeff就打電話俾我喇,跟住我又同佢傾,不過都係傾到三點到啦,因為我真係頂唔順,我要訓喇~哈哈~

<星期日>今日原本打算成日都係屋企休息下既,點知........三點幾四點既時候蘇眉打俾我,同佢傾傾下,佢問我有冇興趣睇"真的愛你",之後我話冇所謂,跟住係到討論緊幾時去睇好,之後我就話不如依家啦,反正都冇咩做呀~之後我地就即興咁去左嘉湖銀座到睇喇~咦~個衰婆丫,成日都睇埋d咁既戲既...........次次都喊既.........玩野~睇完之後行左入一間cd舖,點知.......我又買野囉........買左套日劇同林海峰個個dvd,之後同基仔講左陣電話,佢竟然係到玩野呀~作死~我話等佢,佢又話唔好,之後又話人唔等佢呀~又要人地大大聲講d說話呀~真係玩野呀~哈哈~作死~不過今日都過得幾開心~都幾正~嘻嘻 ^o^