嘩~又幾日冇打日記喇~哈哈~冇計太懶喇~嘻~今日返到公司食既早餐就係蕉,所以今日我就真係食蕉喇~呵呵~仲要係朝早一隻,下午一隻喎~唉~一係唔食,一食就兩餐都有~哈哈~其實我今朝都唔肚餓,因為我昨日同媽咪、三姨、明姨去左洲際到食自助餐,呵呵~勁正囉~其實之前都已經食過喇~呵~但因為星期日睇電視,見到電視介紹食生蠔,勁正囉,所以就叫媽咪即刻訂位去食~哈哈~好味道~昨日食左勁多野囉~食左兩隻龍蝦,又食左好多蠔、凍蟹、刺身………….仲有好多好多,不過食得最多既就係甜品,基本上我食完第一碟龍蝦之後,我就開始不停咁食甜品,每拎一次野食,隻碟都一定有一兩個甜品既~呵呵~真係實在太好味喇~真係超級鐘意食甜品囉~都唔係好明點解真係可以咁好食既~哈~食到個肚仔都脹哂呀~大鑊喇~減都有排我減呀…………但我食得好開心喎~呵呵~算啦~慢慢再努力過啦~嘻嘻~

最近發現左一樣野呀,就係我屋企又多左一個新成員喇~就係我表姐佢係上星期生左個女呀~哈哈~唔知係點既樣呢?都未見過呀~呵呵~