嘩~最近都唔知搞咩呀~成日都俾d動物嚇呀>,< 勁驚囉~都唔明點解都成日俾d貓貓狗狗嚇既~唔通連d動物都蝦我?唔係化……….too bad……….. 
今日收左工之後就返左屋企休息左陣,之後就再出左沙田去表姐到食薑醋,好搞笑,係屋企出門口之前,爸爸見到我著對高根鞋就同我講喇,『嘩~你著喱d鞋點揸車呀?』跟住我就話『邊個話我要揸車呀?我都唔識揸車既。』爸爸話『我依家俾你揸呀,我坐係你隔離呀』, 我話『我唔揸喎,我都唔識揸。』爸爸『依家俾你揸,你又唔揸~唔俾你揸個時,你就係都要。』我話『咁係丫嘛,我邊識揸呀?我個牌都唔知係點考番黎既。』呵呵~其實點解我會咁同爸爸講野呢?係有原因既,因為話說係上星期六,我原本打算要出去九龍城剪頭髮既,咁我就同爸爸講,叫佢留番條車匙俾我,我要揸車出去,跟住佢竟然同我講,『你都唔識揸呀』聽完之後我簡直火都黎呀~好彩有個朋友仔係我隔離,否則我一定發火呀~之後我就好嬲,我就同媽咪講囉,我唔識揸車咁我個牌係點考番黎呀?係我自己去整返黎既~咁出去尖沙咀個d我點返黎呀?我行路返呀?嘩~個一刻我真係火都黎呀~哈哈~所以由個日開始我就同我媽咪係咁不停咁串爸爸喇~呵呵~跟住食完薑醋返入屯門個時,我又暈車浪喇,簡直勁辛苦囉,辛苦到我七彩,之後爸爸就同我講,『都叫左你揸啦,你揸咁咪唔會暈車浪囉』咁我咪話『我都唔識揸車既,我咩都唔識呀,我連個牌都係唔點考呀』爸爸『係喇~以後你鐘意揸你就揸啦,你鐘意去邊就去邊啦,你識揸,你點會唔識』呵呵~真係搞笑,係到同媽咪一人一句~跟住我地就等埋明姨一齊食飯,食完飯之後我就同明姨去左元朗搵朋友,同食糖水~呵呵~好開心呀,因為我間房有電視機喇~好野~但媽咪知道左之後頭都痛囉~因為我間房咁亂,同埋如果俾我有埋個電視係間房之後,咁我就唔使出房門口都得啦,因為我間房咩都有既,除左冇廁所之外~哈哈~野食,水個d咩都有既~呵~等我遲d有心情既時候,我就會連放係廳個部dvd機都搬埋入我間房,咁我就可以成日係房到睇我d至愛喇~唔使係電腦睇咁辛苦喇~呵呵~yeah~yeah~ 
最近喱幾日係我個腦裡不斷重複住一句說話就係『只要我有付出過,不論最後成唔成功?或者係咪得到自己想要既結果,起碼諗番起都唔會後悔,』其實喱句說話我個人覺得有d問題囉~咩叫做有付出過呢?付出左d咩呢?付出左點去傷害一個人?付出左問人借錢,而唔還錢?不過其實都唔係話唔還既,只不過要你開口叫之嘛,唔叫就唔會理囉~可能人就係咁犯賤喇~同埋我覺得可能係同自己講,只要我有付出,無論結果係點,都唔會後悔,其實都係俾自己一個藉口,等自己個心好過一d之嘛,根本付出過d咩啫?有個時又唔去珍惜~鐘意既時候就搵你,冇事既時候就理都唔理下你呀?出街?有邊到去呀?都冇咩邊到想去,咁去佢屋企囉,唔去呀?咪發下脾氣囉~講左好多好傷害既說話,之後諗番起又話係當時一時衝動,所以先會咁講,因為個時好嬲,所以咩都講得出,講完之後就覺得好後悔點解自己要咁講呢?唔通喱d就叫做付出?定係冇左先黎後悔呀?到真係冇左既時候,就好想人地俾多次機會,又會話人地點解唔俾多次機會?唔知係咪個個人都會係咁呢?失去左之後,又要想一齊返?真係奇怪~真係搞唔清楚?不過都係我最近睇人地一d野,所以自己先會出現左咁多問號??????????
 
人  留戀著失去的  不珍惜所抱擁的
我  下定決心離開了  你  才憶及我的身影