嘩~好耐冇打日記喇~冇計啦,因為我最近真係好懶呀~成個人都冇咩心機呀~好似做咩都提唔起勁咁既~又成日都好似遊暈咁,都唔知遊左去邊呀~就好似個日咁,搭地鐵,我明明要係金鐘到落車,再轉旺角個條線既,點知,我就望住佢開門同關門,我都唔識落車,到左中環個站我先識得落車囉~我先甦起,係喎,我要轉車,之後我其實係應該要搭返去金鐘既,但我又唔知做咩,行左去上環個到等車喎,之後等等下好似唔係好對路,再諗清楚同望清楚,我先知,原來我又行錯左,最後我就係上環至金鐘呢幾個站到,走黎走去,都唔知做咩呀~好似發緊夢咁~唉~都唔知自己搞咩呀~
同埋岩岩過左既星期日原本我打算可以訓晏小小先去拜阿公呀,點知,無啦啦完點幾起左身,就覺得個嘴唇好似有d麻痺既感覺,之後一起身睇,就發現原來腫左呀>,< 唉~搞到我又要即係去睇醫生喇~又冇得訓>,< 不過好彩唔使我自己落去,因為爸爸起身載我落去睇~最搞笑係,我一入到去診所,我竟然見到大嫂呀~哈哈~真係邪呀~睇醫生先撞見~睇完返左屋企食藥之後,跟住就入元朗拜阿公喇~上到山落左陣雨呀~不過好彩阿公錫住我地,哈哈~唔係好大雨~落左陣咁啦~之後佢地就話去三姨到燒野食,不過我唔去啦,都冇心情啦,無啦啦又要打針,又要食藥,又唔見$170呀>,< 之後夜晚又冇去到飲,因為我表姐生左個女滿月,所以要去食飯,但我都係冇去到囉~唉~又冇得玩bb呀~激氣呀~通常我係屋企就唔會再落街,但好奇怪囉,竟然有一個人係可以叫得郁我落街,而且仲唔係屋企落下,仲要去工廠區個邊幫佢買野~幫佢買完野之後,我自己一個行返屋企,我一邊行,就一邊諗,我究竟係到做緊咩呢?平時連媽咪都叫唔郁我落街,佢叫親我落去幫佢拎野,我一定黑哂面,而且我實會嘈既~但點解我會咁呢……而且我仲要行到隻腳損左囉>,< 唉~我究竟搞咩呀? 我唔想咁呀~好辛苦呀 >~<
今日係公眾假期,但我訓到十點幾十一點就起左身返工lu~哈哈~因為係屋企都冇咩做呀,咁不如返工做埋d野去仲好啦~哈~同埋我都想可以令到自己唔好咁多野諗,因為我知道自己最近既情緒真係好唔定,轉變得真係好快,心情就更加唔洗講,亦都係好唔穩定囉~唉~我幾時先可以變番之前既我呢?成日都笑,成日都開開心心~
最近好搞笑,識左個朋友仔,佢成日都俾我話佢死蠢、傻瓜~而且佢又好幫我呀~我想買野佢又幫我,我想搵課程,佢又幫我睇~佢都幾好人呀~哈哈~不過真係要好唔該哂佢~thx~