嘩~超耐冇打過日記喇~唉~冇計啦~最近發生太多太多事喇~都真係冇咩心機囉~

< 星期一 >

係Lunch既時候打俾媽咪諗住問佢d野啦~之後佢就同我講~

話阿爺入左醫院~仲昏迷左,入左深切治療部~所以醫生叫我地個個最好去睇下佢~

下? 唔係化………咁即係點呀? 唔好嚇我好喎~所以差唔多四點,我就去沙田等媽咪同爸爸~

之後就去睇佢喇~好彩去到既時候,佢甦番~去到見到阿爺好辛苦呀~見佢抽血既時候,係到嗌痛~

跟住媽咪仲叫我同佢講野~我同佢講野,佢係到求我飲水佢飲~仲要用手求我地………

之後我見到佢咁樣~我真係忍唔住囉~忍得好辛苦呀~之後就同媽咪講”唔得喇~我要去出先喇”

唉~我個日先係到諗,十二月阿爺就生日喇~今年唔知去邊到食飯呢? 點知….………..唉~

不過都好~依家佢冇事就得喇~真係多謝主呀~~~~~~~~~~因為我真係好怕好怕去醫院~

見到d人好辛苦~由其係屋企人或者自己識既人囉~我都一定會忍唔住既~依家冇事就得喇~

< 星期二 >

見到個friend既bf~佢好無聊囉~佢見到我,又係咁用d好似好惡既眼神望我~~~~~~~~

咪玩啦~~~~~~~我驚都未驚過囉~~~~~~~我係唔會理會呀~~~~~~~~

但我見到佢,我就諗起佢講過既野~我再望下佢~佢咪又係著拖鞋~咁又好襯咩?????????

我唔襯唔緊要~最緊要佢襯~因為上次之後我都已經灰哂喇~算吧啦~

< 星期三 >
嘩~超正囉~我要大大聲講心仔~你好叻呀!!!真係愛死你呀!!!!!!!

因為心仔換左兩張拉闊既飛去睇Kelly同小春呀~初初以為換飛都唔會好前~

但點知原來坐得好前囉~勁正呀~Kelly唱左好多舊歌好正呀~而小春又好型喎~

唱到差唔多尾聲既時候,我地就行左出去台前玩囉~我地行出去個時都冇咩人~

所以行得真係好前~真係,係台既面前囉~真係好近距離呀~個小春仲係到玩淋水囉~

搞到個電話濕左~不過好彩唔太濕啦~嘻嘻~真係好正好正呀~

但阿姐唱歌依然都係走音~好難聽呀~好心佢唔好唱啦~唱個一首~仲要走音~

哈哈~我都仲未講,我地係去之後食左餐好豐富既晚餐就係魚一丁~都OK啦~

之後我地就去買雪糕食~呵呵~我地既至愛呀~好味道~

雖然邊行邊食,冇左個種享受~但d雪糕依然係好好味既~呵呵~正呀~

仲有呀~我今次都係第一次見朋友既同事囉~因為平時最多咪睇下相~

但今次就同埋心仔既同事一齊去睇~不過就唔係一齊坐既~哈哈~感覺都可以既~

< 星期五 > 
同左Carol去書展~嘩~真係超多人囉~不過都預左啦~年年都係咁多人啦~
不過我就買唔哂,我想買既書呀~唉~激死~激死~好彩~心仔幫我買埋去~
心仔~錫哂你呀 ^v^
< 星期六 > 
好~終於都講哂之後做既野喇~可以講下今日發生咩事喇~ 
今日屋企好熱鬧呀~因為媽咪叫左阿婆黎食飯~跟住又叫埋明姨~ 
之後拉姨打算搵明姨去食飯~跟住佢知道明姨黎我地屋企食飯~ 
所以佢就同埋至細姨丈都一齊黎食飯喇~呵呵~正呀~今晚又有得食我既至愛……蒸雞翼!!!! 
真係太好味喇~呵呵~食完飯之後就同阿雞、Carol去左飲野~ 
哈哈~好耐冇飲野喇~我地一坐就坐左兩粒鐘囉~個感覺都幾正呀~very good~
但最近唔知做咩呢~我唔知係我冇耐性定係我表達能力有問題定係點呀~ 
好似我講野~人地都唔明我講咩咁~好簡單既野,我都要講好多次~ 
但要我講多兩講,老實講我真係冇咩耐性囉~而且我發覺自己最近好易憫呀~
唉~最近又有野煩緊喇~希望唔好既野快d走啦~