嘩~呢幾日發生左好多奇怪既事呀~
首先係昨日朝早行去搭車返工啦~咁個條路不嬲都好靜既~
咁我行行下有個男人向我;迎面行過黎啦~
個時成條路得我同佢兩個~咁我就開始覺得唔對路~有d問題~
因為佢係咁望住我~咁我就開始加快腳步~
點知~佢行到我隔離既時候,佢就同我講野囉~
但我唔知佢講咩,因為我個時聽緊歌~之後我當咩事都冇發生~
望都唔敢望~照加快向前行~跟住我就行到天橋個到,
再望番過去,睇下佢有冇跟住我行啦~
點知條友企左係對面同我揮手囉~嘩~真係嚇屎我咩~
跟住我就係咁跑上樓梯,因為多d人~之後我再望過去~
佢條友依然企係到囉~仲要同我揮手~
痴線呀~真係嚇屎我喇~嚇屎我喇~

之後夜晚出去返學啦~咁返學之前就幫媽媽拎野~
跟住我邊行邊係到睇份野啦~點知,突然又有個男人同我講野囉~
呢個仲癲~無啦啦係到鬧我~但我又係唔知佢講咩~
跟住我見到佢隻手拎住d野,睇佢個勢,好似想打落黎咁~
好彩,我同佢隔左條欄杆~跟住我又行快兩步走入個商場~
嘩~呢個真係嚇得我好驚呀~都唔明點解我成日都遇到呢d咁既怪人呀~
d人都變態呀~痴線呀~有問題呀~真係嚇屎我喇~

個日搭車返屋企又遇到個奇怪既乘客~
個男人無啦啦係落車前同司機講,叫司機去投訴加車個車速顯示器好嘈~
司機都話,冇計,已經教到94先響~之後個乘客就話幫司機打去投訴~
等佢教到95先響~下?????? 94同95差一度之嘛~
依家d人真係咁得閒咩? 真係冇野做咩? 咁無聊既?

最近心情好複雜呀~有好多野都唔知應該要點做先岩~
真係好煩呀~煩屎我喇~~~~~~~~~~~~