7/9/2007星期五係我既大日子已經過左了~
雖然我非常之唔想去接受又老一年呢個事實~但始終我都要無奈咁接受 一,一
不過我生日當天都好開心呀~哈哈~
首先由係9月6日開始,細佬已經係咁同我講『生日快樂』,佢仲要同埋大佬講添~
跟住大佬又同佢一樣,係9月6日同我講『生日快樂』,但好可惜~
我同佢地講『仲未到呀~我係唔會收貨呀~過多幾個鐘先再同我講啦~』哈哈~
跟住細佬就開始不停係咁問今晚有咩做?去邊玩?但我真係唔知嘛~因為我幫緊媽媽開工啊!!!!!!
之後將近十二點,Pinky就出現了~原來佢黎搵我收工去篤波~呵呵~
所以我過了十二點後,即係9月7日第一個活動就係→篤波喇~haha~
係十二點十幾分既時候Vincent打長途俾我,雖然我即時冇聽到,但我都覺得好開心~
因為佢咁有我心嘛~之後點幾又收到細佬既電話,仲同佢傾左半個鐘添~跟住就爸爸啦~haha~
玩到二點幾,我已經頂唔順了~我一定需要回家了,因為我覺得個人好辛苦,可能太累喇~
之後朝早九點幾就起左身同姨姨出左去IFC到買我既生日禮物~呵呵~
Yeah!!!!!!!!!!!!  我鐘意既太陽眼鏡終於到我手了~ 多謝媽咪~~~~~~  I Love You!!!!!!!!
雖然我係好想媽咪可以同我一齊出去買,但我知佢要返工,所以我最後都冇迫佢陪我去~
只能夠姨姨陪我去~不過都好多謝姨姨~因為之後我地就去左灣仔搵Pinky食lunch~
係姨姨請既~跟住就行SOGO,之後就返入屯門買海鮮~全海鮮宴呀~Yeah!!!!!!!!!!!!!!
有我最鐘意既蟹、蝦、扇貝、聖子、魚…………………好好味呀~
不過就真係辛苦哂大佬、細佬同二廚喇~~~~~~~~~因為一樣野整左幾樣唔同既菜色俾我食~
食飽飽之後,原來姨姨仲為我準備左個味美楊滋甘露蛋糕啊~多謝哂你呀~
跟住Pinky又送左成盒有好多不同款式我最鐘意既士多啤梨朱古力、百力滋、糖等等~
但呢樣都係其次,原來佢知我電腦既DVD壞左,所以佢就買左個新既送俾我~我真係好感動呀~
成晚我地玩得好開心,之後到左十二點,我地又開始四人活動→打麻雀~嘻嘻~
總之仲有好多好開心既野,講都講唔完呀~總之就多謝哂各位啦~

頭先同左蘇眉去食甜品~好開心呀~好多謝你既禮物呀~我好鐘意呀~
因為呢d香燻我一直想買左好耐喇~但好可惜~我只係得個想,完全唔會實際去做~
所以我真係好開心,好多謝呀~同埋我地又傾左好多野~好開心~