28/9/07 (五)
今日原本放3:30p.m既因為要上兩堂，點知突然有變動,所以就只係上一堂~
呵呵~勁開心囉~因為可以放10:30a.m.嘛~ yeah!!!!!!!!!!!!!!!
但最搞笑係當我行緊去車站既時候,我竟然見到一個以前同我好fd好fd既中學同學呀~
但唔知點解係個一刻我完全冇意識去叫佢，因為佢好留心咁望住我前面個對情侶~
而我就避開左佢既視線~而且我仲要係當睇唔到佢咁,行快兩步~
但之後邊行邊諗番，我覺得自己好搞笑囉~同埋可能係因為我完全冇諗過會係個到見到佢囉~
而且我地已經好耐好耐都冇聯絡lu~ 所以突然間俾我咁見到佢,我真係唔知點算好~哈哈~
不過我諗我都仲會有機會，會再遇見佢，因為佢都係銅鑼灣返工，而我又係銅鑼灣上堂~呵~
所以我相信有緣的話我地會再見面的!!!!!!!!!!!!!!!!!!!!!

29/9/07 (六)
今日學完琴返去之後，我見昌哥冇咩做，所以我就叫佢同我去街市買海鮮~
嘻嘻~其實我上星期已經想食喇~因為睇到電視介紹個d瀨尿蝦好大隻~搞到我都好想食呀~
其實原本我只係諗住買瀨尿蝦，點知買下買下，又變左有瀨尿蝦、蜆、糕蟹同埋蝦~
所以今餐又係海鮮喇~呵呵~真係超好味呀~由其係d糕蟹呀~
昌哥今次既煮法係清蒸，真係夠鮮甜，所以所有既蟹糕全部都俾我食哂~呵呵~yeah~
之後就避風塘瀨尿蝦、豉椒炒蜆、白灼海蝦、燒汁三文魚頭~正正正!!!!!!!!!!!!!!!!!!!!!
不過食完今餐之後，我諗我食埋聽日30/9/07(日)既tea buffet之後，
我又要成個星期都食得清淡d喇~~~~~~ 因為呢兩日食得太豐富了~呵~
不過我諗我呢生人去得最多街市都係今年喇~只係今個月我都去左3次喇~計埋今次~
因為我真係好怕好怕去街市,又多人,又dirty >,<

唔知點解幾排覺得個腦好空咁~好似咩都諗唔到~而且又咩都唔想做~做咩都提唔起勁 >,<
又好似覺得有好多野要諗咁…………但其實又冇咩諗~所以覺得好矛盾~
個日放左學之後同細佬去左旺角行陣街，之後又去左影貼紙相，
見到佢個樣超無奈，真係好好笑囉~哈哈~不過係個一刻我個腦就好舒服，好開心~
因為冇咁多野諗，只係行街、食飯~就係咁簡單~
我都真係唔係好明點解我真係好似好煩，有好多野諗咁??????????????