其實今次我都真係唔知自己搞咩?時間唔係長~應該唔會傷得咁深呀?
點解我會搞成咁? 我以前一向都唔會咁樣,我一向對呢樣野都會好硬正~
但今次我真係輸了~ 真係搞咩呀? 劉小姐? 你冇野呀化?
佢地個個都同我講<你搞咩呀? 你以前都唔係咁呀? 你今次搞咩呀? >
嗚嗚嗚~我都唔知呀 >< 我只知我係到死撐~但我最開心既係~
我咁大個女,我終於都感受到,我唔再係一個人,我唔開心都有人陪我呀 >,<
心仔send 訊息鼓勵我~靜雯病左,佢收到我sms訓甦即刻第一時間打俾我~
Pinky有街都唔去,返黎陪我食飯~昌哥收左工咁累都出黎陪我飲野,吹水~
阿衡陪我出黎玩完,返到屋企都send sms俾我,問我訓唔訓到覺? 之後又陪我傾電話~
多謝你地呀~我真係好開心~原來我唔係自己一個呀~多謝你地個個都咁關心我呀~
其實可能今次係有好多野都未試過既,而係第一次同佢一齊去做,一齊去渡過~
一齊去經歷~其實一齊時間唔長,但我地有好多好多開心既事發生~
有好多野都令我好難忘~可能就係因為咁,所以我特別傷心~
其實有呢個結果我自己係一早預左既~但只係我冇諗過會咁快之嘛~
同埋我成日都係到諗,我唔想冇左呢個朋友~我一開始會唔會做錯左呢?
但我知道,依家己成事實~冇得反轉頭了~不過我諗我有排都唔會再拍拖了~~~~~~~~
唔玩喇~呢d野一d都唔好玩呀 >,< 因為我都唔知我個心情幾時先可以回復番好呀~~~~~

其實點解我今次要連續打咁多篇日記? 平時既我一定唔會咁做~
其實今次係因為我想將我同Alan既每一日所發生過既開心事都記住~因為同佢一齊冇唔開心既事~
樣樣都係開始既~所以由同你開始到結束,我都好想將佢記住~因為呢d已經係一個回憶~
而第時我唔知仲會唔會同Alan有呢d一齊開心既日子~咁當然我唔係指同拍拖~
係指朋友既個種啦~其實我知佢係想保護我~想關心我~但可惜用錯方法了~
所以我要將同佢既事一一咁記錄係我既日記裡面~呢d將會係我美好既回憶~
因為由明天開始我要努力考好個試,我要俾心機~我要爭氣~我唔可以衰~
我要做番以前既我出黎!!!!!!