今日逃學呀~呵呵~今朝一起身,就已經好唔想返喇~
但都有換到衫去打算返學~但坐坐下車都係落車,坐返轉頭!!!!!!!!!
因為係坐車個時溫溫下書,都係覺得好唔掂~我需要更多既時間溫書~
所以都係決定逃學~返屋企溫書~哈哈~
但當然係返屋企之前,都必須要去見一見醫生,點都要拎張醫生紙先得呀~
唉~又見百七蚊喇 >,<  真係越窮就越要我用錢~ 頂丫~
不過算啦~我覺得值得既~當我睇完行出診所門口,我就見到Alan喇~
見到佢企到等車~之後佢就行過黎叫我喇~仲同佢傾左兩句添~
係呢個談話~我發現自己已經應該係冇事喇~應該已經放低左~感覺似老朋友咁~
跟住傾完兩句之後,我就走喇~因為我要返屋企覺覺豬啊~呵呵~

oh~我既自己編排十五分鐘休息時間,又夠鐘了~我又係時間繼續溫書喇~
我要努力~呵呵~因為我要合格~我唔可以衰~
而且我同左心仔講好左,如果我合格既,條agnes’ b手鏈就係我既獎勵品喇~呵呵~
所以我兩樣野都要~我要合格~我要手鏈~