呀B 今日要打瘋狗針 , 一入到診所 , 就見到隻超超超巨型既惡狗 ,

我好驚驚呀 ...  ... 但呀B一啲都唔怕 , 仲衝出去吠人 , 嚇死我呀 ,

人地一啖就咬得死佢喇 ~ 之後又有隻超細隻既芝華華入黎 ,

人地又 ""胡"" 呀B , 呀B又 "胡" 返人地 , 結果 ... ... 呀B勝 ,

呀B吠到人地隻芝華華頭耷耷 ... 之後又有隻老虎狗入黎 ,

搞笑到丫 , 隻芝華華同呀B一齊對付隻老虎狗 , 但隻老虎狗又就得佢地吠先搞笑 ...

終於到呀B打針針喇 , 醫生同佢檢查時呀B都仲好定 , 但當醫生一打枝針落去 ...

呀B發顛吠個姑娘 , 仲飛撲過去咬佢 , 好彩個姑娘走得切 !!

之後個姑娘仲話 "咁細個就咁大脾氣 , 大個時仲厲害呀 ,一定要教呀"

唉 ...  ...鬼唔知要教咩 , 但好多方法我都試過 , 佢都唔聽教 ,

咁又有乜計 ~ 呀爸攞個遙控好似拍薑咁拍佢 , 佢都未驚過 ,

仲 "胡" 呀爸添 , 真係愈睇佢啲脾氣愈覺得似我 ,

以前呀爸打我鬧我 , 我仲打返呀爸 ... 鬧返呀爸 ... 仲惡過呀爸 !

而家隻狗咁對返我 ... 真係冤孽 ~ 報應呀