尋日...諗住帶呀b去megabox度行吓...點知~~

之前醫生話我知去megabox就搭70x到總站....但~

巴士總站係觀塘翠屏邨...之後咪行返去觀塘地鐵站,再去返9龍灣囉...

之後以為淘大有巴士搭,點知原來係德福先有得搭...=.=" 

全程呀b都要人抱~成隻手都軟晒...無晒力~成個膊頭都痛~

終於去到megabox~但...無咩玩囉~最正就係家居店~

有兩層...購物車前面又有玩具車可以比呀b坐上去玩~

之前果晚我應承左呀b帶佢去波波池~呀b成日都問我~幾時去...

細路仔真係唔呃得架~佢好記得架~ 又玩又食到7點令8點~

就去返德福喇~之後好自然咁去左宜家睇野~睇睇下醒起~

宜家入面有波波池...咪搵囉~搵搵吓問人~原來呢間無...  

之後搵到冒險樂園~終於可以同個仔玩波波池喇... haha~仲同佢玩埋車添~呀b都好攰喇~玩完波波池就要抱住,一上巴士佢就訓左喇~同呀b去兩日街,攰過我返成個禮拜工~但...見到個仔咁開心~洗幾多$,幾辛苦都值得既...