早兩日同呀met去旺角行街睇戲...經過寵物店~其實諗住入去睇下架炸~

無諗過真係買架。點知~當我攬住隻迷你松鼠狗時,我唔捨得放低呀~

於是...就買左佢返屋企喇~^^~買完之後...我諗我都要節衣縮食喇,

養狗樣樣都要錢...而且仲要每日吸塵拖地,拾屎抺尿~

但見到佢...乜都值得啦~而家如無必要我都唔願出街,因為成日都心掛掛~

佢得兩個月大~岩岩先離開媽媽炸~好多野都唔識~

大小異便又未教到佢,佢又唔出得街,又唔濕得水,d糧要林晒先比得佢食~

仲唔可以凍親冷親吹親~又唔可以比佢亂咁lam野~

因為如果佢腸胃炎就"9死一生"所以~自從佢黎左我屋企之後~

晚晚都訓得唔好~因為佢訓訓下會起身大叫~要陪佢玩~

玩玩下佢攰又自己訓返~隔兩三個鐘就起身服仕佢~尋晚我頂唔順~

索性同佢一齊訓,點知佢係咁lam我塊面~真係無覺好訓~

不過見到佢...我就覺得好開~