我曾經問過一個男仔,點解要對我咁好,究竟鍾意我d乜~?

佢竟然話"性格" haha~我覺得自己最差既就係性格~

又硬頸~又大脾氣~又唔聽人講~又固執....(夠喇...唔踩自己喇)

可想而之愛就係世界上最厲害既野...無論佢有咩缺點~係你眼中都會變成優點~

所以係所有父母眼中自己既仔女都係最好~

我爸爸好錫我,而我亦對佢好好,但唔知點解一對住佢~

就鬧交多過食飯...我特登係房整多部電腦~都係唔想成日係廳對住佢~

反而以前大家返工~可能一個月先見得3分鐘,感情仲會好d添~

哈...每個見過我爸爸既朋友,都話我爸爸好好,好容易相處~

我都唔明究竟係我難相處丫,定係我d性格同佢一樣所以咁麻煩...