2006 年 12 月 2 日  星期六

分類: 未分類

大豐收既一日~~
今日本來諗住約某人出黎食飯, 點知某人5得閒, 所以取消左, 算數! 之後我就約左汶汶放工去旺角行街街. 放工之後行落去中環坐mtr, 岩岩好我既同事又要落去, 咁我地就一路行一路傾, 佢就快要離開我地啦, 因為佢下個月結婚, 決定5做啦. 之後坐左mtr去銅鑼灣等汶汶, 發覺自己傻左.... 點解我要坐去銅鑼灣, 之後又坐返中環轉車..... 我坐左一次地鐵河=.= 衰汶汶仲話我想特登黎接佢.... 係度笑我, 沒人性>.< 到左旺角我地就去左旺中行, 我買左一條水晶鏈同一個水晶山, 汶汶就買左一條水晶鏈比佢細佬, 自己就買左一個吊咀. 不過真係好奇怪, 水晶都要開光, 但更奇怪既係開光果時我竟然感覺到條水晶鏈會震同埋有一陣風吹過..... 買完水晶之後我地就行左去睇耳環同頸鏈, 跟住就陪汶汶去買佢男朋友既聖誕禮物, 佢決定買3送比佢男友, 買左2件長袖3同一件外套, 老闆娘叫我揀一件, 話可以平比我地, 咁我就揀左一件T恤, 我地都差5多行到9點45分先去食飯, 足足行左3粒鐘. 跟住我地就去左一間面店食飯, 食食下家姐打黎, 話聽日佢個fd想約我地食飯, 問我去5去, 我話是但, 之後佢就去book位. 沒幾耐佢又打黎, 話叫我買d野食返去, 又話阿媽都食, 搞到我返到去一手都係野, 好似變左阿4咁..... 坐車返去果時, 同汶汶講我老闆d野, 我琴日同佢一齊出去搞活動, 要汁d餅乾比d小朋友. 係我汁既途中竟然比我發現到有穀蟲係度, 我即刻同佢講, 佢仲反問返我邊度有, 之後我比佢睇, 佢竟然要我打開睇下有冇, 我打開比佢睇, 佢又話沒野, 仲話好香, 之後衰到分比d老人家食, 但沒人敢食. 剩低果d佢仲夠膽拿去分比d小朋友, 都5知佢係米痴線, 明知有殼蟲都拿比人食, 節儉都5駛節到咁呀, 一陣人地食左肚痛就大件事, 佢真係勁變態!!! 雖然今日用左好多$, 但用得好開心, 買左好多想要既野, 同埋可以同汶汶一齊行街街^0^
發表時間：2006-12-03 12:14 AM  [ 編輯日誌 ] [ 分享至FACEBOOK ]

訪客留言 (返回 cherry125 的日誌)

訪客名稱：
電郵地址：	(不會公開)
驗證碼：	(如看不清楚驗證碼請點擊圖片刷新)
俏俏話：	(必需 登入 後才能使用此功能)
[ 開啟多功能編輯器 ]

 送 出 

[ 返回 cherry125 的日誌 ]