2007 年 1 月 1 日  星期一

分類: 未分類

海洋公園開心一日遊^0^
今日晨早8點45分起左身, 不過都係好眼訓同好累, 計落先發覺自己只係訓左3粒鐘. 琴日去左倒數, 之後就去左阿哥個fd個影樓, 佢地飲酒玩啤牌, 差5多玩左3點我地先走, 返到屋企都3點半啦. 今日本來約左幾位某人出去韓燒, 但因2位某人5得閒, 所以沒去到. 不過好彩沒去韓燒. 因為琴晚1點幾時helen打比我, 話聽日佢放假, 叫我同家姐今日去海洋公園. 如果我今日拒絕佢, 我一定比佢話足我一個月.... 晨早起身既滋味一d都5好受, 仲累過返工, 不過今日又係我家姐生日, 同埋約左helen,汶汶,汶汶細佬同表弟一齊去海洋公園, 本來約左10點係門口等, 點知個個都遲到, 搞到10點半先去到. 家組今日入場5駛$, 因為汶汶有免費飛, 所以請佢,順便當係生日禮物, helen就送左一份禮物比我家姐. 我就諗住遲d請我家姐食飯, 當係生日禮物. 入到公園都10點45分, 我地第一時間坐左纜車上山頂玩機動遊戲, 首先我,helen,家姐同埋汶汶表弟一齊去玩左越礦飛車, 汶汶同佢細佬就沒玩, 係度幫我地拿野. 跟住我地一班人就去左玩滑浪飛船, 我有一種被我家姐騙左既感覺, 佢同我講坐後面沒咁易濕身, 點知我食到正一正, 成條褲濕哂, 搞到我行起上黎好5方便. 好彩我今日著風褸, 5係連3都濕埋. 之後家姐,helen同汶汶就去玩太空摩天輪, 我同汶汶細佬表弟就返左上山去玩摩天巨輪, 後來就一齊去玩飛天鞦韆, 玩完之後我地就去食飯啦. 食完野之後, 我地就去左行海洋館,鯊魚館. d海馬真係好得意^^ 行完helen,汶汶同我家姐就去玩海盜船, 汶汶細佬同表弟就坐返纜車去兒童王國玩. 等佢地玩海盜船我地就去左飛鷹同過山車, 但我同汶汶都沒玩過山車. 我地玩哂d遊戲就坐電梯去集古村, ↑↑↑↑↑↑↑↑↑↑↑ 行落集古村果時影既夕陽 真係幾令!! 今年集古村多左愛斯基摩村,聖誕老人屋同埋聖誕樹. 本來仲有一個幻影冰上show, 但我地睇5到, 因為呢個shoe一早已經派哂門票, 好可惜. 我地去到岩岩好可以睇埋聖誕樹亮燈儀式. 但我覺得海洋公園比5上迪士尼, 上次我同汶汶去, 成個美國大街都飄落雪花, 但海洋公園沒, 5係好令. 睇完雪屋之後我地就坐返巴士返正門搵返汶汶細佬同表弟去睇埋動感影院, 睇完動感影院出黎海洋公園都差5多關門, 我地就坐taxi返香港仔既南記食晚餐, 食完我就同家姐返屋企啦! 今日係我家姐生日, 好多人同佢講生日快樂, 除夕果晚12345同羊羊特登打黎同佢, 我阿哥d fd同埋我一到12點都同佢講. 之後上亂我同羊羊一齊開laba祝佢生日快樂, 仲成班人一齊開煙花慶祝, 勁開心.
發表時間：2007-01-02 12:01 AM  [ 編輯日誌 ] [ 分享至FACEBOOK ]

訪客留言 (返回 cherry125 的日誌)

訪客名稱：
電郵地址：	(不會公開)
驗證碼：	(如看不清楚驗證碼請點擊圖片刷新)
俏俏話：	(必需 登入 後才能使用此功能)
[ 開啟多功能編輯器 ]

 送 出 

[ 返回 cherry125 的日誌 ]