2007 年 2 月 8 日  星期四

分類: 未分類

再一次起步^0^
琴日收到幼稚園果份工既通知, 叫我去做身體檢查. 聽日再帶埋d文件去填入職既form. 於是我就順便約埋汶汶一齊食lunch. 今日9點幾起左身, 之後就坐車去北角做身體檢查, 去到北角都差5多11點, 行到去間化驗所都11點幾, 上到去仲要等照肺, 搞完都到12點幾, 跟住又要坐返車去銅鑼灣. 搞完d文件都差5多1點. 本來約左汶汶1點係車站等, 點知我地2個都擺左個大烏龍, 佢去左不見不散果間餐廳等我, 我就企左係巴士站, 好彩佢打個tel比我, 5係我仲企係果度等. 後來我趕到間餐廳都1點半, 因為汶汶2點要趕返公司, 所以我地好快咁食完就走. 途中我地都食得好好地, 但我地對面就坐左2母子, 個細路不停咁扭計, 後來佢阿媽就叫左杯紅豆冰比佢飲, 佢就沒扭計, 但我碟飯就中左招, 佢個仔一搞杯野, d冰同d奶就倒左落我碟飯度, 搞到我成碟飯沒食.... 不過我覺得最好笑既係個細路竟然怕烏蠅(佢仲要讀小學=.......="") 食完飯之後我就返左屋企, 返去睇埋呢排dl落黎既棒棒堂, 呢套野真係好搞笑, 值得推薦~~ 晚上我地成家人就去左上環間尚興食潮州菜, 今次係我地第二次食, 不過多左一個人, 就係我阿嫂, 不過我覺得今次好似沒咁好食, 雖然真係好抵食, 叫左8個菜都係750元落樓. 不過呢間野真係好似5係咁乾淨, 我同阿媽食完返到屋企都肚屙.... 呢排有二件大事~~ 第一件就係我搵到一份比之前好既工, 第二件就係我就快做人姑姐啦, 我阿嫂有左一個月既身孕, 過多9個月我就做人姑姐^0^ 估5到我咁後生就做人姑姐.... 不過呢件真係一件好開心既事^^ 希望我阿嫂生個肥肥白白既bb!!!
發表時間：2007-02-09 01:21 AM  [ 編輯日誌 ] [ 分享至FACEBOOK ]

訪客留言 (返回 cherry125 的日誌)

訪客名稱：
電郵地址：	(不會公開)
驗證碼：	(如看不清楚驗證碼請點擊圖片刷新)
俏俏話：	(必需 登入 後才能使用此功能)
[ 開啟多功能編輯器 ]

 送 出 

[ 返回 cherry125 的日誌 ]