今日超o嘴囉.

6點起身.話接阿哥機w0.

之後茵7點黎左我屋企.

我地就去機場.

我地一直穿梭係接機大堂a同b既之間.

因為我地根本唔知阿哥係a定b出.

等左半粒鐘.岩岩諗住走.返逸東食m記.

我就見到阿哥啦-0-

原本話過去同阿哥講hi.掰.就走人.

點知我地淆底.

我地望住阿哥.佢冇啦啦對住我地笑-0-

我就諗緊.阿哥係唔係認到我地呢?

茵就話我地唔好過去.扮見唔到佢.扮仲等緊佢-0-

因為佢老豆老母都係度.廢事過去-0-

之前我地見阿哥好似走左.我地又走-0-

點知我地又見到佢.吹脹-0-

茵話.我地不如行佢前面.扮擦身而過-0-

我仲要聽茵話!!!一齊行阿哥前面.

跟住我望左阿哥一眼.笑左-0-

因為佢真係好好笑囉-0-

著件冇袖恤衫,牛仔褲(ps:好似)同戴個黑超.

我真係笑左.跟住我地等阿哥消失左先走-0-

跟住茵先好笑.我地去搭車.

佢冇啦啦話.我阿媽而家好似放工.唔可以比佢見到我(ps:佢阿媽係機場貴賓室做野)

跟住我地上左車.佢話.幫我睇下我阿媽有冇上車.

搭搭下.我話.呀!!!佢話.係唔係見到我阿媽呀.

我話.唔係.我見到政府貴賓室.我驚你阿媽等陣上車-0-

佢就勁淆.之後我見到一個女人.一開始我以為係茵阿媽.

我話.你阿媽呀你阿媽呀!!!佢話.今次死硬.

點知...係我睇錯左-0-真係笑死!!!

我食完野之後.去左茵屋企.點知佢阿媽10點幾11點先返-0-

我頂!!!好白痴囉-0-

後來我地去左mtr度拎野.

............................................................

四個鐘後...

諗住出閘走人.點知出唔到-0-

我咪去客務中心囉.點知佢話我入閘既時間太長.

法例話只可逗留150分鐘(2個半鐘.)我就逗留左成4粒鐘-0-

要加返25.5$(ps:最高車資w0.).我暈.我帶左8.5$.佢叫我比25.5$!?我點變比佢.

我咪話之佢.後尾又去左客務中心.

佢話:你幾歲.我話:12歲-0-佢話:你買小童飛係犯法-0-要罸500$.

全數525.5$-0-痴線-0-

跟住佢話比次機會我-0-

之後我地搭車返逸東戈陣.茵狂笑-0-

525.5$-0-我記住你-0-