食得太多開心果，個口生左好大粒飛支，痛到講野口齒不清，俾人笑，但係我認為一d都唔好笑！——真係好痛的——！

我的靈魂，仍然停在新年假，過住懶人的生活，昨日連test都懶得去溫，求其記得幾多得幾多(其實令一個原因係口太痛，痛到唔想溫)

明天一定要整好個mp3 player！我要播好多Avril的歌！

新年假又好似發夢甘過左，今日又過返正常嘅生活，一入課室就趕往亂做功課，唔知點解突然覺得寫字係件好陌生嘅事？好采都俾我趕完篇幾百字嘅文+抄好課後練習(都係幾百字)…手軟…

尋日只係記得今日要返學，一路諗住好慘，完全無諗過今日係情人節，要買朱古力返去派，於是lunch連忙去買，本來以為太少，點知派完仲有一粒剩自己食，是綠茶味的melty kiss，gd！

今日一次過狂吞左唔同的朱古力，幾乎冇留意d朱古力係咩味的，聽到人地話：『哇！le粒好甜呀！』、『哇！le粒好苦！』，但係我只係覺但有好多好多種味混埋一齊(=.=)

哈，甘又放左學囉，完來上堂唔睇住個時鐘，時間會過得快d喎，返學都唔係甘難涯嗜。

 今日已經係初四，幸好仲有一個收利是的機會，因為初六仲會有人來拜年呢！

今年的利是收獲不錯呀，好似多過上年。

呢幾日無心情打機，玩跑online覺得有點厭，我好想攞到Dr.hell的入場券，但係連第5關都未過到，真係唔明，點解d人好似過得甘容易？

新年假好得閒，我終於肯認真練下琴啦！自從讀中學都冇認真練琴，因為我總是冇耐性坐定定彈同一首歌彈足成個鐘，但係念到下年要考試，就只好彈啦。

尋日睇左長江7號，今日就睇左魔法奇緣，兩套戲都超好睇呀，尋日仲要賣廣告賣半個鐘，好彩遲左入場嗜。

 好凍呀！！前幾日仲要落雨~~凍！！！著左好多衫都仲打冷震…~~

每日都念住儲d錢，但係---凍！！---忍唔住要食好多野…儲錢行動…失敗！

不過凍都有好處嫁，就係有d老師會告病假，有d堂變成自由堂囉。隔來班真係正，連中英文堂都唔洗上。

今日lunch去左夾糖，原本念住樣樣夾d，夾左少少之後問carol包糖大約幾錢，佢話大約$8-$9，於是我繼續夾，夾，夾……

跟住收錢的人說：『22元。』

哇！完本念住用少少錢來買糖，點知洗得仲多過食一餐lunch，儲錢行動又…失敗！

最後祝大家新年快樂，最重要係收好多好多利是同禮物！