| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2011 年 5 月 2 日 星期一  |
Per FACE初體驗,效果真係得,黑頭即時唔見曬  |
分類: 美容 |
其實之前Per Face係TheZtyle攪的試用我都有抽架,但抽唔中我喔,之後見到係facebook的PerFace專頁有小遊戲玩就有機會得到一次療程,就係2月尾PerFace打來話我得到一個試用體驗,但由於個排唔係好得閒,所以我就話可唔可以我之後再打來約時間,電話中的小姐都好有禮貌地叫我打返來電的電話就得啦
好啦,到3月3日,那天老公放假佢可以幫我睇住小朋友,咁我就當日打去睇下有無得約下午做(我都知太趕都唔好意思,但都係得老公放假先有得去試下),PerFace電話小姐好熱心地幫我約左下午4:00,真係唔該曬 ,而我又同佢講我有寫blog的,請問一下可唔可以影相.而電話小姐好好人地問完後就講,因為我唔係抽中試做,療程期間係唔可以影相架,我想問下佢叫咩名,咁好人,但電話小姐好似唔方便講,咁我到最後都唔知咁好人的電話小姐叫咩名啦~~
當日下午我去到CWB世貿中心,一入到門口就見到佢地既DECLÉOR的產品櫃
Per Face佔地7000呎,白色的設計,非常光猛,成個窗都望到維港,景觀真係好好
好舒服
由於早左到就影下相,成面牆身都係d相的裝飾,好特別,個個笑容都
好燦爛,一睇落去客人都輕鬆d
Reception姐就就帶我去sofa等候,地方非常寬敞
坐到sofa首先填個人資料.然後在填寫後2位姨姨各自都好有禮貌地問過我飲唔飲茶,
當時因為剛剛食完野,所以我話唔洗住,唔該曬~~填完表就見到桌上的花茶,有菊花,杞子...
填完,坐左一陣,我的治療師,Kathy Liu就帶我去資詢房講解一下,一入到房我
就再同Kathy講多一次,我有寫blog,其實可唔可以比我影下相,等我寫文都詳
細D,當其時原來電話小姐好似未通知佢,佢所以唔知我係Blogger,咁佢就同
我講「唔好意思等我出去幫你問下可唔可以影相」過左一陣佢返來就好有
禮貌地講唔好意思要你等咁耐(其實都唔係好耐)入到來佢就答我「唔好意
思呀,因為你唔係係之前攪試用個個網抽出來試,而經理又去左開會,問唔到
經理,所以都係唔影得啦」,其實我都預左唔比,因為之前都講左,但我真係好
想寫文有圖會清楚d麻,之後我地就開始講解今次做咩療程,療程有咩效用,要
平均幾耐做一次先keep到個效果,個療程係咩原理,而講解其間亦傾到點間坊
間有咁多咁平既激光呢,原來坊間有好多美容店可能都未取得合資格的認可
証,而PerFace唔單止有認可証,而每個治療師都要考取合資格的証書先可以幫
顧客做療程,務求令顧客安心又放心
在資詢期間姨姨,倒左杯菊花茶比我,飲落有清清的菊花味
淡淡的甜味,好清新的感覺
而我做的療程係
以下內容唔可以影相
跟住講解完療程的野後,就去到皮膚分析房,係部圓碌碌的分析機影左幾張相後,就出左d資料以下係我記憶記得既圖,愈近圓點愈好,我皺紋同毛孔都ok,幾他仍需努力我最記得我係無彈性仲有一路以為自己係混合性皮膚,但當天做完分析,我先知道自己係油性,原來我錯曬
好啦做完分析就去療程房,首先kathy好貼心地幫我掛好d衫同袋跟住我就訓上美容床,佢幫我蓋上暖毯,然後就圍起我d頭髮,Kathy非常細心地幫我用卸妝水抹去面上的污穢(我當天素顏喔),連眼睫毛邊位都抹多幾次,抹完就用膠紙貼住我對眼同眉,而每一個步驟都會事先同我講聲,例如上凍gel前同激光前...開始做激光真係聞到有濃味,其間都有凍風機吹住減低痛楚,但其實真係幾痛下,Kathy幫我每邊面做2次,每做完一邊都會比鏡我睇下比較下,真係有白左d架,而鼻頭鼻翼重點位幫我整左好耐,好細心,凍風機一路吹住個鼻,超凍,做好激光後,再比鏡我睇下,個士多啤梨鼻即時唔見左(黑色),Kathy又好細心地同我抹乾淨,做完激光後就要做
SkinCeuticals系列
極緻補水鎖水系列 Hydrating Treatmant
- 選用超高濃度補水鎖水精華
- 其濃縮補水成份即時鎖水
- 有效收細毛孔，令肌膚更富光澤彈性
SkinCeuticals獲得世界醫學界一致認可的醫學護膚品牌SkinCeuticals致力研製革新的皮膚學產品及療程以改善皮膚健康。採納多種科學方法作研究，與不同領域的頂尖科學家合作，徹底改善肌膚老化問題。
SkinCeuticals成功研製出多種醫學級護理療程，再配合激光療程，可全面改善療程後肌膚缺水的情況，令療程效果提升至更高
Kathy先按我搽上B5 GEL按摩一下,按摩得好舒服,然後就倒膜,期間感到好冰涼同有D薄荷感覺,舒服到就來想訓之際,出面有員工傾計,但都好傾左2句就好做無聲,但我都已經唔想訓了,等到Kathy再入返來保濕精華, 眼霜, 面霜及防曬,就做好今日的療程啦跟住就出返去講返點樣護理,完全無sell我.佢都係問下我有無興趣之類同比張卡片我就可以走啦
總結: 其實整個療程都好好,當做完黑頭無曬佐毛孔依然在的情況下,做完的第3日效果,愈來愈明顯,毛孔開始細,做完都1個多月,在勤加保養下,皮膚依然keep到個效果,但我相個若果做多幾次,d皮膚真係會零毛孔好靚,但個價錢都幾貴下,平均一次都$18xx-$2xxx,而Kathy都好好傾,按摩得好舒服,但就希望在每個顧客入到來見到每個員工都可以帶點微笑,你話我高要求都好啦,有時入到去本來心情好好,但見到有d員工面無表情,或者斜視你,當堂咩心情都無曬,另在療程其間的少少嘈音都希望有所改善,因為本來客人舒受到想訓之際被嘈醒後都無心情再訓啦
詳情請按: Per FACE , PerFACE官網
|
|
|
