老實說做媽媽的宜家真係好少可以抽到時間同

朋友聚會，平時都係陪仔仔多，但月頭時好難

得可以抽到時間同朋友晚餐聚聚，而今次朋友

帶我來到黃大仙的 Olive ERA，估唔到無論食

物同環境都好有水準~~

Olive ERA的位置其實離地鐵站都有8-10分鐘的路程，

所以都會不會難找，而且內裡格局簡約得來時尚，地

方也非常寬敞。

而當天我們 5 個女仔叫了一份5人套餐(好像是每日不同的)

先上桌的是餐包，而這裡的餐包及醬料都是自製的，暖暖

的餐包配上特製的薯蓉醬，食落外脆內軟仲有一陣香濃薯

蓉味，很得別的配搭。

前菜是煙三文魚他他伴木瓜牛油果，當中的木瓜經過

特別調製味道醱醱甜甜再配合三文魚、牛油果及鮮芒

果蓉，夏天悶熱的天氣下食完即時變得開胃。

香草焗法式田螺配蒜香多士

滿滿的香草佈面就咁一匙田螺薯蓉已經好香口，

再加上蒜香多士真係好好味，美中不足若是蒜

香多士多幾塊就更好啦~~

法式焗海鮮班戟龍蝦汁

班戟的皮很軟薄，內裡的龍蝦肉爽彈且鮮味

黑松露菌忌廉湯

未飲已經聞到陣陣菌香味，飲落滑得來又有菇菇粒，

味道不錯。

干邑泡沫龍蝦湯

個人覺得這個湯還比黑松露菌忌廉湯更好味，用

杯盛載感覺很特別，而用小匙飲一啖就已經嚐到

很濃郁的龍蝦鮮味。

意大利風乾腿、芝麻菜薄餅

熱辣辣上桌餅底香脆唔乾，而風乾腿咸度亦剛好

亦不會有羶味呢點好緊要，因為個人絕對接受不

了羶味，加上芝麻菜及香濃芝士，味道出奇地配

合，這個是整個套餐中最好味的。

墨魚汁西班牙海鮮飯

當中有蝦、蜆、魷魚及青口，在多種海鮮配搭很

鮮甜，另外還加入了咸火腿，令整個海鮮飯鮮甜

得來帶點鹹香，加上飯質煙韌有有口感，好味~~

最後來到甜品時段啦

我地揀左車厘子蘋果金寶及法式焦糖燉蛋，車厘

子蘋果金寶有好多肉桂粉，味道比較甜，我個人

好喜歡。

而法式焦糖燉蛋面頭的焦糖香脆不會過甜，而且

燉蛋口感很滑，其實清清淡淡都不錯~~