上星期cherry又約左朋友去飯聚，今次比較多人，

所以揀D比較有特色又開陽的地方，傾偈都可以

傾得開心D，而朋友就建議去中環的鴻運泰國美

食。

呢度有分室內同露天，由於我地都人多，加上天氣

開始轉涼，所以我地就揀左坐露天，可以坐得鬆動

舒服一點。

呢度有好多特色野飲，而我就揀左呢杯Fruit Punch，

佢裡而有士多啤梨、芒果、荔枝，幾好味道。

食泰菜又點少得生蝦，所以即時order左個生蝦，

生蝦肉質爽彈鮮味，配上酸汁好開胃~~

原隻秘製鮮魷凍食

平時若魷魚一唔新鮮就會好大陣腥味，但呢就完全

無腥味很新鮮，而且肉質做得剛好，唔會難咬開。

這個青芒果沙律又係超開胃小食推介，酸辣得來

又有好多爽彈蝦肉，加埋香口的腰果，好味~~

呢度的沙爹牛串燒完全唔會燒到過熟而變得好乾，

仲保留到內裡的肉汁，配埋個沙爹醬好味~

呢個冬蔭公湯用料十足，有好多蝦同菇，味道比

較酸辣，對我來說覺得辣了一點，若喜歡辣野的

，應該覺得不錯~

青咖哩海龍皇配油鬆餅

油鬆餅一上桌仲熱辣辣好香脆，就咁食都好好味，加上

青咖哩汁就食到唔停得口，咖哩內仲有魚柳，個人覺得

味道甜甜地唔錯。

呢個蝦醬炒飯好鬼惹味，裡面除左蝦醬仲有蠟

肉，好特別的配搭，加上飯質煙煙韌韌，有

D肉冬天食的蠟味飯。

最後來到甜品有椰汁西米糕，個人好喜歡佢唔太甜，

而且入面有好香好粉的芋頭粒，好好味~~

另外香芒椰汁糯米飯，我就覺得由於糯米飯都多

但椰汁無咩椰香，加上芒果唔夠香甜，所以拼

埋一齊成碟都比較淡~~

[email protected]