| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2011 年 3 月 5 日 星期六  |
| 我唔要做花豹,斑斑我要打走你~~蘯蘯蘯~ |
分類: 美容 |
人人皮膚唔同,有D鍾意黑,有D鍾意白,我就鍾意白,小學到中學曾經有
段時間成日游水,真係又黑又瘦,但到大個左,真係明白一白遮三醜,但
皮膚白又有另一個煩惱,就係面上比較易出斑(可能皮膚白突出D),尤
其我呢D生完小朋友係懷孕期出左D斑 (孕婦斑是由於女性在懷孕時
荷爾蒙激素量增多,引致內分泌不平衡) 到宜家仲係度,今次可以抽到
VICHY雙重亮白追擊淡斑精華,真係好多謝,TheZtyle和VICHY給予試
用機會~~好啦,等我介紹下今次的試用產品啦~~
未用VICHY前的面部雖然唔係好多,但斑斑頗為明顯
洗完面後嘟嘟測試機,皮膚明顯又乾又無水
VICHY嘴位設計幾好唔會過大,吱一次份量唔會過多,吱出來係乳液
狀,無任何香味,搽上面一D都唔覺得油膩,仲幾好推
用左VICHY後水油都大大提升,即時為肌膚補充水份
用左VICHY 9日的效果(其實17日我鮏左已經急不及待開左來用.
希望TheZtyle和VICHY唔好介意)明顯斑斑減淡左,尤其我右邊面
總結: 由17日夜晚開始用到今日,我都是每天早晚各搽一次,我係面
薄薄搽一陣重點位斑斑個度搽多D,無間斷過,仲要日日都好認真係度
睇(唔洗返工麻),真係覺得斑斑減淡左,因為我連面都有搽,所以面部皮
膚都覺得均勻左(以前D皮膚某D位暗啞),所以覺得VICHY呢隻雙重亮
白追擊淡斑精華,真係可以擊退斑斑,值得推薦
|
| Bio-essence一步驟,零黑頭,真唔真? |
分類: 美容 |
很多人都說我的皮膚白白滑滑,但女人美容扮靚係終身職業,朋友說我
在雞蛋裡挑骨頭喔~~其實我皮膚只是尚算可以,但我個草莓鼻真的有
點嚇人,多年都同唔到D草莓講bye bye,今次有幸被TheZtyle抽中試用
Bio-essence一步驟,零黑頭的去角質產品,睇下今次草莓們走唔走先~~
首先我們看看包裝
包裝上的顏色,本人比較喜歡同品牌的其他色多一點,呢隻綠
比人感覺娘娘地,大家可見盒底開發原來是內地的,但又是台
灣進口,盒面有產品功效和使用方法,盒內有一張為何造成敏
感的說明書,但本人一看到那張說明書,只會想起唔通呢隻產
品會造成敏感,點解會有呢張野架
擠出來係同其他peeling gel 無咩分別,透明和帶少許香味,我覺得
味道唔係難聞
大家看見左上我的草莓鼻好嚇人喔!右上是捽緊時影的,我覺得呢
隻peeling gel,乾手乾面上左鼻之後變左水水地,要捽比較耐先會出
現顆粒,捽到好累喔,第一次捽時感覺到有些大粒的黑頭有捽到出
來,經過4次之後的效果,黑頭是淡了一點點但未至於清到,皮膚滑左
這是朋友仗義相助幫我做model(maggie),呵呵,多謝曬,但朋友個鼻
沒什黑頭似的,大家可以看到朋友乾手乾面上左peeling之後是水水
的,一路捽,捽完後洗完有點紅,朋友說可能大力左,朋友說洗完皮膚
光滑左
這是老公的鼻鼻,為什麼你們都沒什黑頭的,就變了我是人版,洗完光滑左
最後多謝友人假日都來幫我做model,合照一張
總結:包裝顏色不合時(可能我唔like暗沉色),經過我用左4次之
後,黑頭淺色左,效果唔係太顯著,唔係盒面所講咁厲害(一步驟零
黑頭),睇到佢講性質溫和仲講可以日日用,就走去捽埋眉心同唇
下位置,點知下巴第2日乾乾地有浮皮,但未至於甩皮,peeling都是
不適合日日用的
|
| 人人都有對靚手,Neogence 霓淨思帶比你~~ |
分類: 身體護理 |
人人都話女人除左要保養面同頸之外,仲要保養埋對纖纖玉手,以前未結婚都話可以好多時搽下hand cream,但當做左媽媽之後,一年四季對手真係無時得閒,唔係洗呢樣就係洗個樣,搽左轉個頭又話洗野,尤其天氣超凍個幾日,對手真係嚇死人,今次被抽到試用的是【Neogence 霓淨思】玻尿酸潤澤保濕護手霜,希望改善到我既煩惱啦~~宜家等我出我用左一星期的感覺啦~~
個盒好似成個禮物盒咁,好特別
紙盒的兩側一訪係有中英對照的注意事項,保存方法,到期日,容量,出產地,製造商(但我只影了中文)
另一邊是【Neogence 霓淨思】玻尿酸潤澤保濕護手霜的主要成份
Q10生產量在20歲到達顛峰後，便會隨著年齡增長而回落；到了30歲後半期，Q10的生產量比20歲時減少30%。既然Q10的自然流失無法避免，若想保持青春、延緩肌膚提早老化的話，補充Q10就是最直接又有效的途徑。(我過左20好耐啦,真係要保養下啦)
角鯊烷是構成皮膚細胞的重要元素，能減少幼紋的產生。而透明質酸鈉是天然鎖水因子
玻尿酸又稱透明質酸，能夠改善皮膚受損，減輕皺紋，維持並締造彈性和光澤的肌膚，是皮膚活力的源泉。然而隨年齡增長，人體玻尿酸和膠原蛋白含量會逐漸流失，皮膚也每況愈下，鬆弛，皺紋，黯淡等問題也顯露出來
神經醯胺的主要功用有：
1. 角質層內重要組成，使肌膚維持柔軟平滑，更具彈性及張力。
2. 皮膚保水性能的關鍵成份：神經醯胺會在皮膚上形成薄膜，能防止水分蒸發，維持並調節表皮的含水量。
3. 參與細胞間接合作用的物質，亦即表皮障壁作用之最主要成份，可強化肌膚本身防禦外界污染的能力。
年紀增加時，神經醯胺的分泌量會減少，造成角質層無法保留水分、養分，使皮膚產生乾燥、粗裂。而經由外部擦拭補充神經醯胺，能增加角質細胞的粘合力，減低水分的散失，而達到保濕的效果。
維生素E 香港中文亦稱為維他命E。又名生育酚或產妊酚。在食油、水果、蔬菜及糧食中均存在。是一種有8種形式的脂溶性維生素，為一重要的抗氧化劑。維生素E常被用於乳霜和乳液中，因為人們相信維生素E對於受到如燒燙傷的傷害後，能促進皮膚癒合及減少疤痕形成。
完全未搽hand cream,又乾又無光澤
搵部水份機嘟嘟佢先,真係無油無水乾到庳
擠出來白色,有陣輕輕玫瑰花香味.唔會好濃味
搽完之後,皮膚上的乾格紋少左,有光澤左,但其實呢個hand cream唔可以擠咁多,少少
已經好足夠,多左會好油
搽完,再搵皮膚測試機測下,係偏油的
總結:我用左成一個星期先出文,係因為我真係日日用左佢要睇個效果,其實呢隻hand cream係比較油,我訓前一定會搽佢,平常做野會唔係咁方便,佢好比喻為hand cream的晚霜,夜晚訓前搽佢,等佢好好吸引,經過大約3日試用開始對手真係滑左,同埋感覺到成對唔再覺得乾巴巴,豐盈左,甲邊位置唔會有乾皮同倒刺~~大家可以不防一試
如有查詢 :Neogence 霓淨思facebook( 按 ) , Neogence 霓淨思官網( 按 )
莎莎獨家發售: 莎莎 facebook( 按 ) , 莎莎官網( 按 )
|
| 細佬D濕疹終於有救啦 |
分類: 身體護理 |
女人未結婚未生小朋友的時候喜愛扮靚,但當結左婚有了小朋友,就想將成副心機放曬係小朋友身上,無論起居飲食,裡裡外外都希望佢地過得好,無病無痛,但我家細佬有樣野好頭痕,就係濕疹,尤其夏天出汗多的日子,簡直係慘,重災區係條頸同心口今次有幸被抽到試用,真係好開心,之前有睇過其他blogger介紹過純水滋潤潔膚露,好像真的很不錯
35年嬰兒護理品專家
法國貝兒 Biolane 創立於 1972年，全線產品由 BIOPHA 醫學實驗中心的藥劑師 Dr. Chabrand 開發，當年只在藥房出售。直到 1999 年， 法國貝兒 Biolane 正式進入開架市場，成為法國唯一以開架形式發售的醫藥品牌，亦是歐洲最受歡迎的嬰兒護理產品之一，獲得多位兒科醫生、皮膚科醫生及產房護士強力推薦。
性質溫和 初生兒適用
由於初生寶寶的皮膚未發育，天然屏障功能仍在建立中，如用錯破壞皮脂膜的護理品，有可能令寶寶將來容易患上濕疹，影響一生。因此，法國貝兒 Biolane 精挑細選每項成分，確保性質溫和，即使擁有敏感膚質或是未滿30天的寶寶也可開始使用，更可一直用到10歲。
專利天然成分 持續滋潤
法國貝兒 Biolane 專利成分 Hydtra-bleine 「水解小麥蛋白」將天然的小麥胚芽油及蛋白質護肌功效合一，持續滋潤及呵護皮膚，減低肌膚水分流失，強健天然皮脂膜，更具有獨特的芳香，有助增進母親與寶寶的感情。
今次試用的是:
Biolane 專業抗敏舒緩軟膏 Moisturizing Cream ( Atopy-prone and dry skin ) $125 / 150 ml
特別為有濕疹問題的肌膚而設,滋潤極乾燥的肌膚,適合用於面部及身體其他部位.蘊含專利天然成份Hydra-blenime磷脂,維他命B5,氨基酸及礦物等成份,可舒緩,滋潤及修復問題肌膚,質感輕盈,滲透度高,初生嬰兒,小孩及成人適用
擠出來白色乳霜狀,有一陣微微的燕麥同牛奶香味
我未用任何野時隻手乾到咁
推開曬等佢吸收埋,出來的效果好唔錯,其實呢隻乳霜真係好唔錯,事關,細佬有一日訓醒晏覺起身好熱,狂抓條頸,抓到紅曬,我情急之下無影低相就去鮏左Biolane 專業抗敏舒緩軟膏搽,搽完過左一陣,問細佬仲癢唔癢,佢話唔癢,而佢都無再抓條頸啦
Biolane 專業抗敏舒緩潔膚乳 Cleansing Cream ( Atopy-prone and dry skin ) $135 / 350 ml
專為過敏皮膚及特別乾燥的肌膚面設,有效舒緩痕癢,預防乾燥,含專利成分Hydra-blenime,持續滋潤肌膚,減低水份流失,含豐富維他命E,有助強化肌膚防禦能力,燕麥粉成份,有助減少沐浴時肌膚因水份蒸發而引致的乾燥問題,甜杏油成分,有效滋潤皮膚受保持肌膚柔軟
擠出來好似洗面奶咁,同支cream一樣,有一陣燕麥牛奶的香味,我個人是在細佬換便便片片時用的,因為宜家2歲除左奶之外,還會食其他食物,D便便都會毒D,有時唔知佢有便便時焗就會攪到佢的皮膚好易紅同生粒粒,以前是用其他牌子的BB沐浴露去洗佢個PATPAT,但自從用左Biolane 專業抗敏舒緩潔膚乳去洗之後,洗完摸落去好滑之外,仲好似有陣保護膜咁,宜家細佬個PATPAT唔會有粒粒,仲唔會紅
最後比張幫細佬搽cream相你地睇下,訓前照
|
| 2011 年 2 月 1 日 星期二 |
新年除左敗衫褲鞋襪~~我仲敗左樣野~~  |
分類: 家庭生活 |
話說搬左新屋都大半年啦,都未安個鐘~~一路都想買一個特別D的鐘,有日
去左個朋友屋企見到一個好特別的鐘,但係街度又好似好少見,我唔多行
鐘錶鋪又懶得去搵,所以又發揮我的淘寶精神,哈哈,淘寶真係偉大的發明,
岩曬我呢D要揍仔無得成日shopping既人,上網搵左一輪,比我搵到啦
,但都唔係好多間有呢個鐘~~~~
其實都好貴下人仔原價$430,講價到$420,我用淘點兌返都$508,加埋運費
$105,成$613一個鐘,都幾貴下(希望佢可以用好耐啦),但個鐘有年月日星
期幾,要知今日咩日子真係一目了然(好鬼大個架),唔洗下下走去月曆到搵
好方便,佢仲有中文版同英文版,我買左英文版的.可以比小朋友學睇英文
日期,另外佢係用一粒c電+2粒2A電
|
« | 195 | 196 | 197 | 198 | 199 | 200 | 201 | 202 | 203 | 204 | »
|
|
