我琴晚成晚無訓，淨係睇電視、上網，
搞到朝早6點幾先訓，之後10點又起身走去補習，
之後補完習就啦啦聲去食野趕返屋企，
因為我Grandma返緊去，我又搞到間屋好似垃圾崗咁！
好彩趕得切，我剛剛搞掂佢就返黎！
之後繼續趕功課，之後又要我整野食，
食完又係我洗碗，搞到我而家先得閒打日記！
真係得閒死唔得閒病，點解一日得24小時，唔係48小時呀？
以前就覺得時間過得好慢，而家就唔夠時間用！
聽朝重要晨咁早起身去大快活抄功課，
Miss Mok都唔知痴左邊條根，話要挑戰自己，
所以聽朝晨咁早坐在班房收功課，搞到我地要去大快活抄功課咁慘！
在課室咪幾好囉！又要人地去大快活抄，
明知放完假就考試，就唔好比咁多功課我地做啦！
搞到我地做得功課黎又溫唔到書，佢都唔知諗咩ga！
搞到我個假期ge最後一日要趕功課趕到死！
我放完呢個假都唔知原來我自己係有放過假囉！
放假重辛苦過返學呀！



TO:Miss Mok